27.09.2026 | 20:00
Չորս համայնքում ՏԻՄ ընտրությունների քվեարկությունն ավարտվել է․ սկսվել է հաշվարկը
Կիլիան Մբապեն՝ աշխարհի առաջնությունների պատմության լավագույն ռմբարկու
19.07.2026 | 10:01
Ֆրանսիայի հավաքականի ավագ Կիլիան Մբապեն, դուբլի հեղինակ դառնալով անգլիացիների դեմ ԱԱ-2026-ի երրորդ տեղի համար խաղում, դարձել է աշխարհի առաջնությունների պատմության լավագույն ռմբարկուն։
Մադրիդի «Ռեալի» հարձակվողը Մունդիլաներում գոլերի թիվը հասցրել է 22-ի։ 27-ամյա Մբապեն մեկ գոլով գերազանցեց Արգենտինայի հավաքականի ավագ, ամերիկյան «Ինտեր Մայամիի» hարձակվող Լիոնել Մեսիի ռեկորդը։ 39-ամյա Մեսին 21 գոլ ունի Մունդիալներում և կարող է բարելավել ցուցանիշն Իսպանիայի հավաքականի դեմ եզրափակիչի խաղում։
Կիլիան Մբապեն նաև 10 գոլով միանձնյա գլխավորում է ԱԱ-2026-ի ռմբարկուների ցուցակը՝ 2 գոլ գերազանցելով Լիոնել Մեսիին։
Ֆրանսիայի հավաքականն անգլիացիներին պարտվել էր 4։6 հաշվով։ Դա աշխարհի առաջնությունների ամենագոլառատ հանդիպումն էր 1982 թվականից հետո։ ԱԱ-1982-ում Հունգարիայի հավաքականը 10։1 հաշվով հաղթել էր Սալվադորին։ Մունդիլաների պատմության մեջ ամենագոլառատ խաղը գրանցվել է 1954-ին, երբ Ավստրիան 7։5 հաշվով հաղթել է Շվեյցարիային։
