27.09.2026 | 20:00
Չորս համայնքում ՏԻՄ ընտրությունների քվեարկությունն ավարտվել է․ սկսվել է հաշվարկը
Անգլիան 6։4 հաշվով հաղթեց Ֆրանսիային ու դարձավ ԱԱ-2026-ի բրոնզե մեդալակիր․ ՏԵՍԱՆՅՈՒԹ
19.07.2026 | 09:08
Անգլիայի հավաքականը տպավորիչ հաղթանակով դարձավ ԱՄՆ-ում, Կանադայում և Մեքսիկայում ավարտին մոտեցող ֆուտբոլի աշխարհի առաջնության բրոնզե մեդալակիր։
Երրորդ տեղի համար խաղում Թոմաս Տուխելի գլխավորած թիմը 6։4 հաշվով հաղթեց Ֆրանսիայի հավաքականին (տեսանյութ)։
Մայամիում կայացած հանդիպման առաջին խաղակեսում անգլիացիները խփեցին 4 անպատասխան գոլ։ Ընդմիջումից հետո Ֆրանսիայի հավաքականը մինչև 64-րդ րոպեն կարողացավ հաշվի տարբերությունը հասցնել նվազագույնի, սակայն 87-րդ րոպեին բրիտանական թիմը խփեց նաև 5-րդ գոլը։ Ավելացված ժամանակում թիմերը փոխանակվեցին մեկական գոլով։
Անգլիայի հավաքականի կազմում հեթ-տրիկի հեղինակ դարձավ Լոնդոնի «Արսենալի» եզրային հարձակվող Բուկայո Սական։ Ֆրանսիացիներից երկու գոլ խփեց Մադրիդի «Ռեալի» հարձակվող Կիլիան Մբապեն, որը 10 գոլով միանձնյա գլխավորեց ԱԱ-2026-ի ռմբարկուների ցուցակը՝ 2 գոլ առաջ անցնելով արգենտինացի Լիոնել Մեսիից։
27-ամյա Մբապեն նաև 22 գոլով դարձավ աշխարհի առաջնությունների պատմության լավագույն ռմբարկուն ու գերազանցեց Լիոնել Մեսիի ռեկորդը, որը 21 գոլ ունի Մունդիալներում։
Սա աշխարհի առաջնությունների ամենագոլառատ հանդիպումն էր 1982 թվականից հետո։ ԱԱ-1982-ում Հունգարիայի հավաքականը 10։1 հաշվով հաղթել էր Սալվադորին։ Մունդիլաների պատմության մեջ ամենագոլառատ խաղը գրանցվել է 1954-ին, երբ Ավստրիան 7։5 հաշվով հաղթել է Շվեյցարիային։
ԱԱ-2026-ի չեմպիոնի կոչումը կվիճարկեն Իսպանիայի ու Արգենտինայի հավաքականները։ Եզրափակիչը կկայանա հուլիսի 19-ին Նյու Ջերսիի «Մետլայֆ Սթեդիում» մարզադաշտում ու կմեկնարկի Երևանի ժամանակով 23։00-ին։
ԱԱ-2026, երրորդ տեղի համար հանդիպում
Ֆրանսիա – Անգլիա՝ 4:6
Կիլիան Մբապե, 48, 66, Բրեդլի Բարկոլա, 54, Ուսման Դեմբելե, 90+6 – Դեքլան Ռայս, 3, Էզրի Կոնսա, 18, Բուկայո Սակա, 37, 45+1, 87 (11մ), Ջուդ Բելինգեմ, 90+8
