07.08.2026 | 11:07
Հրաձգություն Թաիլանդի դպրոցներից մեկում․ 7 մարդ զոհվել է, տասնյակ վիրավորներ կան
Հայտնի են ԱԱ-2026-ի եզրափակիչի մրցավարները
17.07.2026 | 20:31
ԱՄՆ-ում, Կանադայում և Մեքսիկայում ավարտին մոտեցող ֆուտբոլի աշխարհի առաջնության եզրափակիչը կսպասարկեն Սլովենիան ներկայացնող մրցավարներ, հաղորդում է ՖԻՖԱ-ի մամուլի ծառայությունը։
Հանդիպման գլխավոր մրցավար է նշանակվել Սլավկո Վինչիչը, որին եզրերում կօգնեն Թոմաժ Կլանչնիկն ու Անդրաժ Կովաչիչը։ Չորրորդ պաշտոնյան հորդանանցի Ադհամ Մահադմեն է։
ԱԱ-2026-ի չեմպիոնի կոչումը կվիճարկեն Արգենտինայի ու Իսպանիայի հավաքականները։ Եզրափակիչը կկայանա հուլիսի 19-ին Նյու Ջերսիի «Մետլայֆ Սթեդիում» ստադիոնում։
47-ամյա Սլավկո Վինչիչը 2024 թվականին եղել է Չեմպիոնների լիգայի եզրափակիչի գլխավոր մրցավարը։ 2007-ից նա սպասարկում է Սլովենիայի առաջնության խաղեր, իսկ 2010-ից նաև ՖԻՖԱ-ի մրցավար է։ Եվրագավաթներում Վինչիչը սպասարկել է 72 հանդիպում, իսկ հավաքականների մակարդակում՝ 12։ Աշխարհի առաջնություններում նրա նորամուտը կայացել է 2022-ին։
