27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Առաջին անգամ հայկական բոլոր ակումբները հաղթահարել են եվրագավաթների որակավորման առաջին փուլը
17.07.2026 | 21:39
Պատմության մեջ առաջին անգամ եվրագավաթներին մասնակցող հայկական բոլոր ակումբները հաղթահարել են որակավորման առաջին փուլի արգելքը։
Հայաստանի չեմպիոն «Արարատ-Արմենիան» Չեմպիոնների լիգայի որակավորման առաջին փուլում երկխաղյա դիմակայությունում հաղթել էր լատվիական «Ռիգային» (2:0, 2:3): Երևանյան ակումբի հաջորդ մրցակիցը կլինի իռլանդական «Շեմրոք Ռովերսը»։
Կոնֆերենցիաների լիգայի որակավորման առաջին փուլում «Փյունիկը» երկու անգամ պարտության էր մատնել Մալթան ներկայացնող «Մարսաշլոկին» (3։0, 1։0), իսկ «Ալաշկերտը» հետխաղային 11-մետրանոցներով հաղթել էր ղազախական «Ելիմային» (1:1, 2:2, 11մ՝ 6։5):
«Փյունիկի» հաջորդ մրցակիցը հունգարական «Դեբրեցենն» է, իսկ «Ալաշկերտն» ուժերը կչափի ռումինական «Կլուժի» հետ։
Կոնֆերենցիաների լիգայի որակավորման երկրորդ փուլից պայքարը սկսելու է նաև Հայաստանի գավաթակիր «Նոան», որը երկխաղյա դիմակայություն է անցկացնելու մոլդովական «Զիմբրուի» հետ։
Եվրագավաթների որակավորման երկրորդ փուլը կմեկնարկի հաջորդ շաբաթ։
