27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Հրանտ-Լեոն Ռանոսը հրաժեշտ է տվել «Բորուսիային», հայտնի է հարձակվողի նոր ակումբը
17.07.2026 | 17:47
Հայաստանի ազգային հավաքականի հարձակվող Հրանտ-Լեոն Ռանոսը հրաժեշտ է տվել Մյոնխենգլադբախի «Բորուսիային»։
«Կառուցեցի հիշողություններ։ Ձեռք բերեցի փորձ։ Շնորհակալություն, «Բորուսիա»։ Մաղթում եմ միայն լավագույնը»,- սոցցանցերում գրել է 22-ամյա ֆուտբոլիստը։
Հրանտ-Լեոն Ռանոսը կարիերան կշարունակի իսպանական «Տեներիֆեում», հաղորդում է ակումբի պաշտոնական կայքը։
Կողմերը կնքել են երկու տարվա պայմանագիր, որն ունի ևս մեկ մրցաշրջանով երկարաձգելու հնարավորություն։
Ինսայդեր Ֆլորիան Պլետենբերգի տվյալներով, Իսպանիայի Սեգունդայի ներկայացուցիչը շուրջ 300 հազար եվրո կվճարի գործարքի համար։
Հրանտ-Լեոն Ռանոսը 2023 թվականին Մյունխենի «Բավարիայի» երկրորդ թիմից էր տեղափոխվել «Բորուսիա», որի գլխավոր թիմում անցկացրել է 22 հանդիպում, դարձել 2 գոլի ու 1 գոլային փոխանցման հեղինակ։ 2025-ին նա վարձավճարով խաղացել է գերմանական «Կայզերսլաուտերնում», իսկ անցած մրցաշրջանում՝ Բրաունշվեյգի «Այնտրախտում»։ Transfermarkt-ը 600 հազար եվրո է գնահատում հարձակվողի տրանֆերային արժեքը։
