05.09.2026 | 19:58
Քննարկվել են Հայաստանի և Իրաքյան Քուրդիստանի միջև տնտեսական կապերի զարգացման հնարավորությունները
Ռուսական զորքերը հրթիռային հարված են հասցրել Օդեսային. զոհեր կան
Քաղաքականություն
17.07.2026 | 10:40
Հուլիսի լույս 17-ի գիշերը ռուսական զորքերը հրթիռային հարված են հասցրել Օդեսային, որի հետևանքով զոհվել է 2 մարդ, հայտնել է տարածաշրջանային ռազմական վարչակազմի ղեկավար Օլեգ Կիպերը, գրում է Current time-ը։
Տասնմեկ բնակելի շենք և մեքենաներ են վնասվել։ Տասը մարդ, այդ թվում՝ երկու երեխա, վիրավորվել է։
Ուկրաինայի արտակարգ իրավիճակների պետական ծառայության տվյալներով՝ զոհվածների թվում է մի կին, որը հարձակման պահին իր երեխաների հետ զբոսնում էր այգում։ Օդեսայի շրջանում ավերվել է բենզալցակայան, այրվել են մեքենաներ։
Գիշերը Ռուսաստանն Ուկրաինայի ուղղությամբ արձակել է X31P հակառադարային հրթիռ, յոթ X-59/69 հրթիռ և 130 անօդաչու թռչող սարք։ Ուկրաինական զինված ուժերը խոցել են հինգ կառավարվող հրթիռ և 115 անօդաչու թռչող սարք, հայտնել են Ուկրաինայի ռազմաօդային ուժերը։
Ռուսաստանի Պաշտպանության նախարարությունը հայտարարել է, որ ռուսական ուժերը հարձակվել են Օդեսայի մարզի վրա «բարձր ճշգրտության զենքերով և հարձակողական անօդաչու թռչող սարքերով»։
Օդեսա և Չորնոմորսկ նավահանգիստներում հարված է հասցվել «նավահանգստային ենթակառուցվածքային օբյեկտների, անօդաչու թռչող սարքերի արտադրության և հավաքման օբյեկտների, ինչպես նաև հրշեջ նավակի»։
Թարգմանությունը՝ Էմմա Չոբանյանի
