27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Իրանը Հորմուզը «կարմիր գիծ» է համարում և զգուշացնում տարածաշրջանային ենթակառուցվածքների վրա հարձակումների մասին, եթե ԱՄՆ-ն հարվածի
Քաղաքականություն
16.07.2026 | 15:20
Եթե ԱՄՆ նախագահ Դոնալդ Թրամփն իրականություն դարձնի իրանական ենթակառուցվածքներին հարվածելու իր սպառնալիքը, ապա Իրանը կոչնչացնի «տարածաշրջանի ամբողջ ենթակառուցվածքը»։ Այս մասին հայտարարել է Իրանի զինված ուժերի խոսնակը, գրում է CNN-ը։
Թրամփը զգուշացրել է, որ ԱՄՆ-ը հաջորդ շաբաթ կհարվածի Իրանի կամուրջներին ու էլեկտրակայաններին, եթե Թեհրանը չվերադառնա բանակցությունների սեղանի շուրջ։
«Եթե այս սպառնալիքները կատարվեն, Իրանի պատասխանը ոչ միայն համաչափ կլինի, այլև կգերազանցի»,- ասել է Իրանի զինված ուժերի կենտրոնական հրամանատարության խոսնակ Էբրահիմ Զոլֆաղարին պետական IRIB հեռուստաալիքի կողմից հաղորդված հայտարարության մեջ։
Նա հավելել է, որ տարածաշրջանի ենթակառուցվածքները «կքանդվեն» այնպես, «որ դրանցից ոչ մի հետք չի մնա»։
«Հարվածները կլինեն ավելի խիստ, ավելի լայնածավալ և ավելի ավերիչ, քան երբևէ»,- ասել է Զոլֆաղարին։
Նա շեշտել է՝ Իրանը «ոչ մի դեպքում» թույլ չի տա ԱՄՆ-ին «միջամտել» Հորմուզի նեղուցին․ «Սա Իրանի անխախտ կարմիր գիծն է»։
Թարգմանությունը՝ Էմմա Չոբանյանի
