ԱՄՆ-ն ու Իրանը շարունակել են փոխադարձ հարվածները․ Թրամփը սպառնացել է հարվածել իրանական էլեկտրակայաններին և կամուրջներին

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

ԱՄՆ նախագահ Դոնալդ Թրամփը Fox News-ին տված հարցազրույցում հայտարարել է, որ ամերիկյան զինված ուժերը հաջորդ շաբաթ կհարվածեն իրանական էլեկտրակայաններին և կամուրջներին, եթե Թեհրանը չբանակցի։

«Հաջորդ շաբաթ նրանց համար ամեն ինչ շատ վատ է լինելու, քանի որ նրանց էլեկտրակայանների հերթն է։ Հաջորդ շաբաթ կգա կամուրջների հերթը։ Մենք քանդելու ենք նրանց բոլոր էլեկտրակայանները, քանդելու ենք նրանց բոլոր կամուրջները, եթե նրանք չգան բանակցությունների սեղանի շուրջ»,- ասել է  Թրամփը։

ԱՄՆ նախագահը հայտարարել է, որ Թեհրանն «այլընտրանք չունի», քան գործարք կնքել Վաշինգտոնի հետ․ «Ես ասացի՝ «Ավելի լավ է գործարք կնքեք։ Ձեզ ոչինչ չի մնա»»։

Մինչ այդ, ԱՄՆ-ն ու Իրանը շարունակել են միմյանց փոխադարձ հարվածներ հասցնել։

ԱՄՆ-ը հարվածելով տասնյակ ռազմական թիրախների Հորմուզի նեղուցի և ափամերձ տարածքների մոտակայքում, հայտնել է ԱՄՆ կենտրոնական հրամանատարությունը (CENTCOM)։

«ԱՄՆ կործանիչները, անօդաչու թռչող սարքերը և ռազմածովային նավերը յոթժամյա հարվածի ալիքի ընթացքում ճշգրիտ զինամթերք են արձակել իրանական հրթիռային և անօդաչու թռչող սարքերի կայանների, ռազմածովային կարողությունների և ափամերձ պաշտպանության համակարգերի դեմ՝ Իրանի առևտրային նավագնացությանը և քաղաքացիական անձնակազմին սպառնալու կարողությունը հետագայում թուլացնելու համար»,- գրել է CENTCOM-ը X-ում։

Սա չորրորդ անընդմեջ գիշերն է, որ ԱՄՆ-ը հարվածում է Իրանին։ Ավելի վաղ ԱՄՆ-ը վերսկսել է իրանական նավահանգիստներ մեկնող և այնտեղից դուրս եկող նավերի ծովային շրջափակումը։

Իրանը պնդում է, որ թիրախավորել է Պարսից ծոցում գտնվող ԱՄՆ ռազմական ենթակառուցվածքները՝ ի պատասխան ԱՄՆ-ի օդային հարվածների և իրանական նավահանգիստների վրա վերահաստատված շրջափակման։

Իսլամական հեղափոխության պահապանների կորպուսը (ԻՀՊԿ) վաղ առավոտյան հայտարարել է, որ հարված է հասցրել Քուվեյթի Մինա Աբդուլլահ քաղաքում գտնվող ԱՄՆ բանակի լոգիստիկ և աջակցության կենտրոնին, որի հետևանքով շենքը հրդեհվել է, հաղորդում է Իրանի կիսապաշտոնական Tasnim-ը։

Երեքշաբթի ուշ երեկոյան էլՔուվեյթի հրշեջ ուժերը հայտարարել էին, որ մարել են «իրանական թշնամական օդային ագրեսիայի» հետևանքով առաջացած հրդեհը, հաղորդում է Քուվեյթի պաշտոնական լրատվական գործակալությունը՝ առանց նշելու հրդեհի վայրը։

ԻՀՊԿ-ն հայտարարել է նաև Բահրեյնում ԱՄՆ Հինգերորդ նավատորմի կողմից օգտագործվող հրամանատարական և վերահսկիչ կենտրոնը, պահեստները և վառելիքի պահեստները թիրախավորելու մասին, հաղորդում է IRNA պետական ​​​​լրատվամիջոցը: Ավելի վաղ, կիսապաշտոնական Fars News-ը հայտնել էր, որ Բահրեյնի վրա հարձակման ժամանակ «ոչնչացրել» է ամերիկյան անօդաչու նավակների կառավարման կենտրոնը:

Իրանի բանակը հայտարարել է, որ հարվածներ է հասցրել Հորդանանի Ալ-Ազրաք ավիաբազայում գտնվող ԱՄՆ ռազմական օբյեկտներին, նշում է իրանական պետական ​​IRNA լրատվական գործակալությունը։ Այն պնդում է, որ իրանական հարձակողական անօդաչու թռչող սարքերը հարվածել են այն տարածքին, որտեղ տեղակայված էին F-18 կործանիչներ, բնակելի շենք և մեծ սարքավորումների անգար, որը, ըստ IRNA-ի, պատկանում էր ԱՄՆ բանակին։ CNN-ը նշում է, որ F-18 կործանիչները սովորաբար գտնվում են ավիակիրների վրա, այլ ոչ թե Մերձավոր Արևելքի բազաներում։

ԻՀՊԿ-ն նաև հայտարարել է, որ իր ռազմաօդային ուժերը «ոչնչացրել են» բազայում գտնվող ամերիկյան MQ-9 անօդաչու թռչող սարքերը, հայտնում է իրանական Fars-ը։

Թարգմանությունը՝ Էմմա Չոբանյանի