28.09.2026 | 18:28
9 անշարժ գույք և 8.5 մլն դրամ եկամուտ․ ինչ է հայտարարագրել Իջևանի ՏԻՄ ընտրություններում ՔՊ-ի ցուցակը գլխավորող համայնքապետը
Մեկնարկել է «Քաղաքացիական ծառայություն. նոր համակարգ, նոր մոտեցումներ» միջոցառումների շարքի առաջին սեմինարը
Քաղաքականություն
30.11.2018 | 17:10
Այսօր առաջին փոխվարչապետի պաշտոնակատար Արարատ Միրզոյանը բացման խոսքով հանդես է եկել «Քաղաքացիական ծառայություն. նոր համակարգ, նոր մոտեցումներ» միջոցառումների շարքի առաջին սեմինարին: Միջոցառումը կազմակերպել էր Հայաստանի Հանրապետության վարչապետի աշխատակազմի քաղաքացիական ծառայության գրասենյակը՝ Եվրոպական միության բյուջետային աջակցության «Աջակցություն Հայաստանի պետական կառավարման բարեփոխումներին. հանրային կառավարման ավելի արդյունավետ և պատշաճ ծառայության մատուցում» ծրագրի շրջանակում:
Բացման խոսքում պարոն Միրզոյանը ներկայացրել է Հայաստանի Հանրապետությունում քաղաքացիական ծառայության համակարգի նոր մոտեցումները, զարգացման ուղենիշները, նոր օրենսդրական դաշտի հիմնախնդիրներն ու սկզբունքները: Նա նշել է, որ օրենքի կանոնակարգումները միտված են ձևավորելու մարդկային ռեսուրսների կառավարման նոր մշակույթ, առողջ մրցակցային պայմաններ՝ ավելի լավ կադրերով մարմինները համալրելու, քաղաքացիական ծառայողների համար առավել թիրախային վերապատրաստումներ կազմակերպելու և անձնակազմը մարմնի նպատակներին և խնդիրներին համապատասխանեցնելու համար:
Առաջին փոխվարաչապետի պաշտոնակատարը կարևորել է նաև քաղաքացիական ծառայության համակարգում մարդկային ռեսուրսների կառավարման գործընթացների թվայնացումը:
