25.11.2024 | 22:18
Ադրբեջանում ռազմական փորձագետի են կալանավորել` պետական գաղտնիք հրապարակելու մեղադրանքով
«Ծառուկյան դաշինքի» պատգամավորի 12 թեկնածու ԿԸՀ-ում պնդել է, որ չի հրաժարվել պատգամավորական մանդատից
Քաղաքականություն
03.05.2017 | 16:14
Ապրիլի 2-ի ԱԺ ընտրությունների արդյունքներով պատգամավոր ընտրված 35 անձ հրաժարվել է մանդատից: ԿԸՀ-ի նիստում այս մասին հայտարարել է ԿԸՀ նախագահ Տիգրան Մուկուչյանը՝ նշելով, որ «Հանրապետական» կուսակցությունից մանդատից հրաժարվելու դիմում է ներկայացրել 9 հոգի, 23-ը՝ «Ծառուկյան» կուսակցությունների դաշինքից, 3-ը՝ ՀՅԴ-ից:
«Երեկ երեկոյան մենք հրապարակել էինք ցանկը, որը նոր դիմումներով չի համալրվել: ՀՀԿ-ից ինքնաբացարկի դիմումներ են ներկայացրել Վիգեն Սարգսյանը, Տարոն Մարգարյանը, Արմեն Ամիրյանը, Կարեն Բոթոյանը, Արտակ Զաքարյանը, Արման Սահակյանը, Սամվել Սանամյանը, Վահե Հակոբյանը, Առուշ Առուշանյանը: ՀՅԴ-ից ինքնաբացարկի դիմում էին ներկայացրել Դավիթ Լոքյանը, Լևոն Մկրտչյանը, Արծվիկ Մինասյանը»,- ասել է Տ. Մուկուչյանը:
««Ծառուկյան դաշինքի» պարագայում իրավիճակն այլ է: Ինքնաբացարկ ներկայացրած 12 թեկնածու այսօր առավոտյան դիմում է ներկայացրել, որ չի հրաժարվում պատգամավորի մանդատը ստանալուց և որ նախկինում ներկայացված ինքնաբացարկի մասին դիմումը պիտի անվավեր ճանաչվի»,- ասել է Մուկուչյանը՝ թվելով անունները՝ Վահան Կարապետյան, Խաչիկ Մանուկյան, Նապոլեոն Ազիզյան, Ալիկ Եղիկյան, Արարատ Զուրաբյան, Մուշեղ Սաղաթելյան, Հրանտ Դավթյան, Մանուկ Սուքիասյան, Արթուր Մանուկյան, Արտյոմ Ծառուկյան, Սերգեյ Բագրատյան, Հարություն Ղարագյոզյան:
Տիգրան Մուկուչյանը նշել է, որ ստացած նոր դիմումները կքննվեն այսօր. հայտարարվել է 30 րոպեանոց ընդմիջում:
