03.08.2026 | 12:10
Այսօր ԱԺ նախագահ կընտրվի // Ուկրաինան Wildberries-ի հերթական պահեստին է հարվածել․ ԼՈՒՐԵՐ
Հրանտ-Լեոն Ռանոսը մոտ է «Բորուսիայից» հեռանալուն
13.07.2026 | 14:57
Հայաստանի ազգային հավաքականի հարձակվող Հրանտ-Լեոն Ռանոսը, մեծ հավանականությամբ, կհեռանա Մյոնխենգլադբախի «Բորուսիայից»։
Գերմանական ակումբը վերադարձել է արձակուրդից ու սկսել է նախապատրաստվել նոր մրցաշրջանից։ Ռանոսը չի մասնակցել առաջին մարզմանը։
Ligainsider.de-ի համաձայն՝ «Բորուսիան» 22-ամյա ֆուտբոլիստին թույլ է տվել բանակցել այլ ակումբների հետ իր տեղափոխության շուրջ։
Ավելի ուշ Ռանոսին նկատել են Գերմանիայի Կիլ քաղաքում։ Նշվում է, որ նա մոտ է 2-րդ Բունդեսլիգայում հանդես եկող «Հոլշտայն Կիլ» տեղափոխվելուն։
Հրանտ-Լեոն Ռանոսը 2023-ին Մյունխենի «Բավարիայի» երկրորդ թիմից է տեղափոխվել «Բորուսիա»: 2025-ին նա վարձավճարով խաղացել է գերմանական «Կայզերսլաուտերնում», իսկ անցած մրցաշրջանում՝ Բրաունշվեյգի «Այնտրախտում»։ Transfermarkt-ը 600 հազար եվրո է գնահատում հարձակվողի տրանֆերային արժեքը։
