05.09.2026 | 19:58
Քննարկվել են Հայաստանի և Իրաքյան Քուրդիստանի միջև տնտեսական կապերի զարգացման հնարավորությունները
Տիգրան Ավինյանը բալետի արտիստ Ռաշիդ Կարապետյանին շնորհել է «Երևան քաղաքի մշակույթի պատվավոր գործիչ» կոչում
Մշակույթ
11.07.2026 | 13:33
Երևանի քաղաքապետ Տիգրան Ավինյանը ՀԽՍՀ վաստակավոր արտիստ, Հայաստանի թատերական գործիչների միության անդամ, բալետի հայ արտիստ Ռաշիդ Կարապետյանին շնորհել է «Երևան քաղաքի մշակույթի պատվավոր գործիչ» կոչում։
Այս մասին տեղեկանում ենք քաղաքապետի՝ «Ֆեյսբուք»-ի էջում հրապարակած տեսանյութից։
«Հայ ազգային պարարվեստում ունեցած վաստակի, Հայաստանի մշակույթը միջազգային բեմերում ներկայացնելու և Երևանի մշակութային ժառանգության մեջ ունեցած ներդրման համար ՀԽՍՀ վաստակավոր արտիստ, Հայաստանի թատերական գործիչների միության անդամ, բալետի հայ արտիստ Ռաշիդ Կարապետյանին շնորհել եմ «Երևան քաղաքի մշակույթի պատվավոր գործիչ» կոչումը։
Ի դեպ, նա եղել է նաև Կառլեն Նուրիջանյանի «Վահագն Վիշապաքաղ» հուշարձանի բնորդը»,- տեսանյութին կից գրել է Տիգրան Ավինյանը։
