11.07.2026 | 11:55
Վթարային ջրանջատում Երևանի Կենտրոն վարչական շրջանում
ՖԻՖԱ-ն կարող է շուրջ 11 միլիոն դոլար վաստակել ԱԱ-2026-ի եզրափակիչի ստադիոնի խոտածածկի կտորների վաճառքից
11.07.2026 | 11:12
ՖԻՖԱ-ն սկսել է ԱՄՆ-ում, Կանադայում և Մեքսիկայում ընթացող ֆուտբոլի աշխարհի առաջնության եզրափակիչի հանդիպման ստադիոնի խոտածածկի կտորների վաճառքը, հաղորդում է The Athletic-ը։
ԱԱ-2026-ի եզրափակիչը կայանալու է հուլիսի 19-ին Նյու Յորքի «Մետլայֆ Սթեդիում» մարզադաշտում։
Հուշանվերի արժեքը 450 դոլար է: Վաճառքի էջում նշված է, որ խոտածածկը պահպանելու համար խեժով պատված կտորներն իրենց տետերին կուղարկվեն եզրափակիչից հետո և կարող են առաքվել միայն ԱՄՆ-ում, Մեծ Բրիտանիայում և Եվրոպայում գտնվող գնորդներին:
Ակրիլային պատյանի վրա պատկերված կլինի ԱԱ-2026-ի տարբերանշանը, խաղի անցկացման վայրը, ամսաթիվը և եզրափակիչի վերջնական հաշիվը։ Հավաքածուն ներառում է USB կրիչ՝ բեկորի իսկությունը հաստատող տվյալներով: Հավաքածուի իրերն արտադրվում են բրիտանական Keep Stub ընկերության կողմից, որն իր կայքում առաջարկում է երեք լրացուցիչ տարբերակ՝ 900, 1200 և 3000 դոլար արժողությամբ: Չորս մակարդակներից յուրաքանչյուրը սահմանափակված է 2026 օրինակով, ինչը նշանակում է, որ եթե դրանք բոլորը վաճառվեն, ընդհանուր եկամուտը կկազմի ավելի քան 11.2 միլիոն դոլար։
3000 դոլար արժողությամբ հավաքածուն ներառում է նաև մետաղից պատրաստված հուշանվեր տոմս՝ ոսկե փորագրությամբ, աշխարհի առաջնության եզրափակիչի գնդակի մանրանկարչական կրկնօրինակ և բյուրեղապակյա գավաթով։
