24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Կրեմլը մեկնաբանել է Պուտինի հետ հանդիպումը չեղարկելու՝ Թրամփի որոշումը
Քաղաքականություն
30.11.2018 | 13:34
Վլադիմիր Պուտինի հետ հանդիպումից հրաժարվելու՝ Դոնալդ Թրամփի որոշումը նշանակում է, որ միջազգային և երկկողմ օրակարգի կարևոր հարցերի քննարկումն անորոշ ժամանակով հետաձգվում է: RT-ի փոխանցմամբ՝ այս մասին հայտարարել է ՌԴ նախագահի խոսնակ Դմիտրի Պեսկովը
«Ցավում ենք Բուենոս Այրեսում G20-ի գագաթնաժողովի շրջանակում նախանշված երկու նախագահների ծրագրված հանդիպումը չեղարկելու՝ ամերիկյան վարչակազմի որոշման համար: Դա նշանակում է, որ միջազգային և երկկողմ օրակարգի կարևոր հարցերի քննարկումն անորոշ ժամանակով հետաձգվում է»,- ասել է Կրեմլի ներկայացուցիչը՝ ընդգծելով, որ Վլադիմիր Պուտինը, ամեն դեպքում, պատրաստ է հանդիպել ամերիկացի պաշտոնակցի հետ:
Պեսկովը նաև հավելել է, որ բանակցությունների չեղարկման արդյունքում Ռուսաստանի նախագահը լրացուցիչ ժամանակ կունենա «օգտակար հանդիպումների համար»:
Նշենք, որ նոյեմբերի 29-ի երեկոյան ԱՄՆ նախագահ Դոնալդ Թրամփը հայտարարել է, որ չեղարկում է G20-ի գագաթնաժողովի շրջանակում Պուտինի հետ հանդիպումը՝ կապված Կերչի նեղուցում տեղի ունեցած միջադեպի հետ. նոյեմբերի 25-ին այստեղ ուկրաինական երեք նավեր և 24 նավաստիներ ձերբակալվել են ռուս սահմանապահների կողմից՝ ռուսական տարածքային ջրերով ապօրինաբար անցնելու փորձի համար:
«Ելնելով այն հանգամանքից, որ նավերն ու նավաստիները Ռուսաստանից չեն վերադարձվել Ուկրաինային՝ ես որոշեցի, որ շահագրգիռ բոլոր կողմերի համար ավելի լավ կլինի, եթե Արգենտինայում նախագահ Վլադիմիր Պուտինի հետ նախապես ծրագրված հանդիպումը չեղարկվի»,- Twitter-ում գրել է Սպիտակ տան ղեկավարը:
