05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Սկանդալ ԱԱ-2026-ում. ակումբը Բելգիայի հավաքականի ֆուտբոլիստին արգելում է խաղալ Իսպանիայի դեմ
10.07.2026 | 13:42
Բելգիայի հավաքականն անսպասելի խնդրի է բախվել ԱՄՆ-ում, Կանադայում և Մեքսիկայում անցկացվող ֆուտբոլի աշխարհի առաջնությունում։
Լիսաբոնի «Սպորտինգի» պաշտպան Զենո Դեբաստն Իսպանիայի հավաքականի դեմ քառորդ եզրափակիչի խաղում չի կարող խաղադաշտ դուրս գալ իր ակումբի կողմից արգելքի պատճառով։
Տարաձայնության մասին հայտնել է Բելգիայի ֆուտբոլային ասոցիացիան։ Կազմակերպության համաձայն՝ պորտուգալական ակումբը համարում է, որ ֆուտբոլիստը բավարար չափով չի վերականգնվել մայիսին ստացած ազդրի վնասվածքից։
«Զենո Դեբաստը չի կարողանա մասնակցել քառորդ եզրափակիչի խաղին։ Նրա ակումբը՝ «Սպորտինգը», ֆուտբոլիստին տեղեկացրել է, որ բժշկական առումով նրան պատրաստ չի համարում խաղերին մասնակցելու համար։ Այդ գնահատականը տարբերվում է Բելգիայի հավաքականի բժշկական անձնակազմի, ինչպես նաև ՖԻՖԱ-ի բժշկական և ապահովագրական ծառայությունների եզրակացություններից։ Զենոն այժմ մարզվում է անհատական ծրագրով՝ ազգային հավաքականի մասնագետների հսկողության ներքո»,- նշված է Բելգիայի ֆուտբոլային ասոցիացիայի հայտարարության մեջ։
ԱԱ-2026-ում Զենո Դեբաստն առայժմ հանդիպման չի մասնակցել։ Բելգիայի հավաքականի մեկնարկային 4 խաղերում նա բացակայել է հայտացուցակից, իսկ 1/8 եզրափակիչի հանդիպմանը եղել է պահեստայինների նստարանին։
Իսպանիա – Բելգիա հանդիպումը կկայանա հուլիսի 10-ին ու կմեկնարկի Երևանի ժամանակով 23։00-ին։
