22.06.2026 | 13:35
ՏԿԵ փոխնախարարը ընդերքօգտագործողների հետ քննարկել է փոշեճնշիչ սարքավորումների պարտադիր կիրառումը
Բելգիայի ՌՕՈՒ-ն հայտարարել է Բալթիկ ծովի վրա ռուսական կործանիչներ որսալու մասին
Քաղաքականություն
30.11.2018 | 12:38
Բելգիական F-16-երը, որոնք մասնակցում են Բալթյան տարածաշրջանում օդային պարեկության ՆԱՏՕ-ի առաքելությանը, չորեքշաբթի Բալթիկ ծովի վրա ռուսական Սու-27 կործանիչներ են որսացել: ՏԱՍՍ-ի փոխանցմամբ՝ այս մասին հայտնել է Բելգիայի պաշտպանության նախարարությունը:
«Բելգիական ՌՕՈՒ-ի F-16 օդանավերը, որոնք ներկայում պարեկում են Բալթյան տարածաշրջանում՝ ՆԱՏՕ-ի օդային տարածքի անձեռնմխելիությունն ապահովելու համար, ռուսական Սու-27 կործանիչներ են որսացել, որոնք թռիչք են իրականացրել՝ առանց թռիչքային պլան ներկայացնելու»,- նշել են թագավորության պաշտպանական գերատեսչությունում: Այստեղ, սակայն, չեն հայտնել օդանավերի թիվը:
Նշենք, որ վերջին տասն օրվա ընթացքում սա Բալթյան տարածաշրջանում ռուսական և բելգիական օդանավերի մասնակցությամբ արդեն երրորդ միջադեպն է:
Ավելի վաղ բելգիական VRT հեռուստաալիքը հաղորդել էր, որ նոյեմբերի 22-ին ռազմական սպառազինությամբ ռուսական Սու-24-երը մի քանի թռիչք են իրականացրել ՆԱՏՕ-ի վարժանքներին մասնակցող բելգիական «Գոդեցիա» և «Լուիզ-Մարիա» հածանավերի վրայով: Մինչ այդ էլ «Գոդեցիա»-ից ոչ հեռու ռուսական սուզանավ է լողացել: Հեռուստաալիքի տեղեկացմամբ՝ սուզանավը որևէ ագրեսիվ գործողություն չի ձեռնարկել, սակայն ռուս նավաստիները լուսանկարել են բելգիական նավերը, ինչն արտասովոր էր:
ՌԴ իշխանությունները հայտարարել են, որ ռուսական ռազմական օդանավերի բոլոր թռիչքներն ու նավերի տեղաշարժն իրականացվում է միջազգային-իրավական նորմերին համապատասխան:
