21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
Կասիլյասը ֆուտբոլում ձևաչափի փոփոխություն է առաջարկել ԱԱ-2026-ում ջրային դադարների ֆոնին
10.07.2026 | 12:03
Իսպանիայի հավաքականի ու Մադրիդի «Ռեալի» նախկին դարպասապահ Իկեր Կասիլյասն առաջարկել է փոխել ֆուտբոլային խաղերի անցկացման ձևաչափը՝ հաշվի առնելով ԱՄՆ-ում, Կանադայում և Մեքսիկայում ընթացող աշխարհի առաջնությունում ջրային դադարները։
«Հաշվի առնելով, որ խաղերի ժամանակ ջրային դադարները դառնում են սովորական երևույթ, չե՞ք կարծում, որ խաղը չորս 25-րոպեանոց ժամանակահատվածների բաժանելը լավ գաղափար կլինի ֆուտբոլային խաղերի համար։ Դա կթողնեմ ձեր դատողությանը»,- սոցցանցերում գրել է Կասիլյասը։
Հիշեցնենք, որ ԱԱ-2026-ում 3 րոպե տևողությամբ մեկական դադարներ են լինում խաղակեսերից յուրաքանչյուրում։ Ստադիոններում երկրպագուները սուլոցներով են ուղեկցում այդ դադարները՝ ակնարկելով, որ դրանք ոչ թե ֆուտբոլիստների համար են, այլ՝ հեռուստատեսային գովազդների։
ԱԱ-2026-ը կավարտվի հուլիսի 19-ին: Առաջին անգամ աշխարհի առաջնությանը մասնակցում է 48 հավաքական:
