21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
«Կրասնոդարի» սան․ «Շոկի մեջ եմ, որ Սպերցյանը տեղափոխվեց «Ալ Ահլի»»
09.07.2026 | 16:47
Ռուսական «Կրասնոդարի» սան, Տոլյատիի «Ակրոնի» դարպասապահ Իգնատ Տերեխովսկին խոստովանել է, որ իր համար անակնկալ է եղել Հայաստանի ազգային հավաքականի ավագ Էդուարդ Սպերցյանի տեղափոխությունը սաուդյան «Ալ Ահլի»։
«Արդյոք շոկի մեջ եմ․ այո։ Ես ճանաչում եմ Էդիկին։ Երբ միացել էի հիմնական թիմին, շփվել եմ նրա հետ ու տեսել նրա մտածելակերպը։ Ես իրոք հավատում էի, որ նա կհայտնվի Եվրոպայում։ Հնարավոր է՝ ոչ Պրեմիեր լիգայի թոփ ակումբում, բայց կարծում էի, որ կլինի Անգլիայի առաջնության աղյուսակի ներքևի հատվածի թիմ կամ Իտալիայից որևէ ակումբ. դա էի լսել։ Բայց ոչ Սաուդյան Արաբիան։ Այո, ես շոկի մեջ եմ»,- դարպասապահի խոսքը մեջբերում է «Матч ТВ»-ն։
Էդուարդ Սպերցյանը «Կրասնոդարի» սան է, գլխավոր թիմում անցկացրել է 185 հանդիպում, դարձել 58 գոլի ու 44 գոլային փոխանցման հեղինակ։
