28.09.2026 | 00:15
ՔՊ, 95.1%. Սուրեն Թումանյանը վերընտրվեց Թումանյանի համայնքապետի պաշտոնում. Լոռու մարզպետ
Էրդողանը հայտնել է, որ Թրամփի հետ hանդիպմանը Հարավային Կովկասը չի քննարկվել
Քաղաքականություն
09.07.2026 | 11:20
Թուրքիայի նախագահ Ռեջեփ Թայիփ Էրդողանը հայտարարել է, որ ԱՄՆ նախագահ Դոնալդ Թրամփի հետ հանդիպման ժամանակ Հարավային Կովկասի հարցը չի քննարկվել, սակայն, անհրաժեշտության դեպքում, այդ թեման կարող է բարձրացվել ցանկացած պահի։ Այս մասին նա ասել է Անկարայում ՆԱՏՕ-ի գագաթնաժողովից հետո կայացած մամուլի ասուլիսում՝ պատասխանելով ադրբեջանական իշխանական APA-ի հարցին։
«Հարավային Կովկասի հարցը մեր օրակարգում չէր։ Սակայն, ինչպես գիտեք, այս թեման կարող է բարձրացվել ցանկացած պահի։ Մենք կարող ենք նաև հեռախոսազրույց ունենալ ցանկացած պահի»,- հայտարարել է Էրդողանը։
Հիշեցնենք, որ ավելի վաղ Թուրքիայի փոխնախագահ Ջևդեթ Յըլմազը APA-ին ասել էր, որ Էրդողանի և Թրամփի հանդիպմանը քննարկվելու են Հարավային Կովկասը և «Զանգեզուրի միջանցքը»։
Թարգմանությունը՝ Էմմա Չոբանյանի
