28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Մեսին շարունակում է ռեկորդներ սահմանել աշխարհի առաջնությունում
08.07.2026 | 11:20
Արգենտինայի հավաքականի ավագ Լիոնել Մեսին ևս մեկ ռեկորդ է սահմանել աշխարհի առաջնություններում, այս անգամ՝ գոլային փոխանցումների ցուցանիշով։
ԱՄՆ-ում, Կանադայում և Մեքսիկայում ընթացող ԱԱ-2026-ի 1/8 եզրափակիչում ամերիկյան «Ինտեր Մայամիի» հարձակվողը գոլային փոխանցում էր կատարել Եգիպտոսի հավաքականի դեմ հաղթական խաղում (3:2): Դա 39-ամյա Մեսիի 9-րդ ասիստն էր Մունդիալներում, հաղորդում է Fox Sports-ը։
Գոլային փոխանցումների նախորդ ռեկորդը պատկանում էր արգենտինացի լեգենդար ֆուտբոլիստ Դիեգո Մարադոնային, որն 8 գոլային փոխանցում է կատարել աշխարհի առաջնություններում։
Հիշեցնենք, որ Լիոնել Մեսին նաև աշխարհի առաջնությունների պատմության լավագույն ռմբարկուն է 21 գոլով։ ԱԱ-2026-ում «Ոսկե գնդակի» 8-ակի դափնեկիրը գոլերի թիվը հասցրել է 8-ի և միանձնա գլխավորում է ռմբարկուների ցուցակը:
Մեսին աշխարհի առաջնությունների 9 անընդմեջ հանդիպումներում գոլ խփած առաջին ֆուտբոլիստն է պատմության մեջ։ Նա գոլային շարքը սկսել էր ԱԱ-2022-ում։
