07.07.2026 | 22:51
Ըմբիշ Սամվել Տերտերյանը՝ ոսկե մեդալակիր. Մ-20 ԵԱ
Չեմպիոնների լիգա․ «Արարատ-Արմենիան» հաղթեց «Ռիգային»․ ՏԵՍԱՆՅՈՒԹ
07.07.2026 | 21:54
Ֆուտբոլի Չեմպիոնների լիգայի որակավորման առաջին փուլի առաջին խաղում Հայաստանի չեմպիոն «Արարատ-Արմենիան» մրցեց լատվիական «Ռիգայի» հետ ու առավելության հասավ 2։0 հաշվով։
Աբովյանում կայացած հանդիպման առաջին խաղակեսում դարպասի գրավում չարձանագրվեց։
Խաղի հաշիվը 63-րդ րոպեին բացեց «Արարատ-Արմենիայի» պորտուգալացի պաշտպան Հուգո Օլիվեյրան (տեսանյութ)։ 72-րդ րոպեին Լատվիայի չեմպիոնը մնաց 10 ֆուտբոլիստով։ Տուգանային հրապարակից դուրս միտումնավոր ձեռքով խաղի համար խաղադաշտից հեռացվեց լատվիացի դարպասապահ Ֆրենկս Դավիդս Օրոլսը (տեսանյութ)։
86-րդ րոպեին դաշտի տերերի առավելությունը կրկնապատկեց բրազիլացի հարձակվող Ֆրանսա Կառլոսը (տեսանյութ)։
Պատասխան հանդիպումը կկայանա հուլիսի 14-ին Ռիգայում։
«Ռիգայի» արգելքը հաղթահարելու դեպքում «Արարատ-Արմենիան» որակավորման երկրորդ փուլում կմրցի Մալթան ներկայացնող «Ֆլորիանայի» ու իռլանդական «Շեմրոք Ռովերսի» դիմակայության հաղթողի հետ։
Չեմպիոնների լիգա, որակավորման առաջին փուլ, առաջին հանդիպում
«Արարատ-Արմենիա» (Հայաստան) – «Ռիգա» (Լատվիա)՝ 2։0
Հուգո Օլիվեյրա, 63, Ֆրանսա Կառլոս, 86
Հեռացում՝ Ֆրենկս Դավիդս Օրոլս, 72 («Ռիգա»)
