Թրամփն Էրդողանի հետ հանդիպմանը հայտարարել է, որ դիտարկում է Թուրքիային F-35 կործանիչների վաճառքն ու պատժամիջոցների չեղարկումը

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Թուրքիայի նախագահ Ռեջեփ Թայիփ Էրդողանը նախագահական նստավայրում ընդունել է ԱՄՆ նախագահ Դոնալդ Թրամփին, որն Անկարա է ժամանել՝ մասնակցելու ՆԱՏՕ-ի գագաթնաժողովին, գրում է CNN-ը։

«Մենք հիանալի ընկերներ ենք»,- ասել է Թրամփը՝ հավելելով, թե Թուրքիան այն երկիրն է, որի հետ պետք է հաշվի նստել, «և ամենալավն այն է, որ մեր հարաբերությունների շնորհիվ ամեն ինչ շատ լավ անցավ»։

Լրագրողների հետ ճեպազրույցում ԱՄՆ նախագահը հայտարարել է, որ շուտով կորոշի՝ վաճառե՞լ Թուրքիային F-35 կործանիչներ, թե՞ ոչ, չնայած Կոնգրեսի արգելքին։ Նա նաև հավելել է, որ կվերացնի Թուրքիայի դեմ պատժամիջոցները, որոնք սահմանվել են ռուսական ՀՕՊ համակարգ գնելու համար։

«Մենք ավելի լավ հարաբերություններ ունենք Թուրքիայի հետ, և Թուրքիան շատ առումներով շատ ավելի հավատարիմ է եղել, քան այլ երկրներ, որոնք, մեր կարծիքով, պետք է հավատարիմ լինեին»,- ասել է Թրամփը։

Թրամփը վստահեցրել է, որ քննարկելու են F-35-երի վաճառքը։

«Դա հիանալի ինքնաթիռ է, այն լավագույնն է, ներկայում՝ լավագույնը, և անկասկած, մենք կքննարկենք այն»,- ասել է նա։

ԱՄՆ պաշտոնյաներն ավելի վաղ CNN-ին հայտնել էին, որ այս շաբաթ Թրամփը, ինչպես սպասվում է, կազդարարի, որ պատրաստ է Թուրքիային F-35-եր՝ չեղարկելով իր պաշտոնավարման առաջին ժամկետի ընթացքում սահմանած արգելքը, որը հետագայում վավերացվել է որպես օրենք։

Դեռևս հասկանալի չէ, թե ինչպես է Թրամփը պատրաստվում շրջանցել կործանիչների վաճառքի վերաբերյալ Կոնգրեսի արգելքը։

Թուրքիայի կողմից ռուսական C-400 համակարգի գնման հետ կապված ԱՄՆ պատժամիջոցների մասին հարցին էլ Սպիտակ տան ղեկավարը պատասխանել է, որ դրանք շուտով կվերացվեն․ «Մենք պատրաստվում ենք չեղարկել պատժամիջոցները։ Մենք չենք ցանկանում պատժամիջոցներ կիրառել ընկերների նկատմամբ»։

ԱՄՆ նախագահը նաև կրկին քննադատել է ՆԱՏՕ-ին՝ հավելելով, թե մտածել է անգամ գագաթնաժողովը բաց թողնելու մասին։

«Ես շատ հիասթափված էի ՆԱՏՕ-ից, և անկեղծ ասած, եթե այն չանցկացվեր Թուրքիայում, որտեղ իմ ընկերը շատ ուժեղ առաջնորդ է, հնարավոր է՝ ես չմասնակցեի»,- ասել է նա։

Թրամփի մեկնաբանությունները հնչում են Եվրոպայում ԱՄՆ ռազմական ներկայության ապագայի վերաբերյալ շարունակական հարցերի ֆոնին։ ԱՄՆ նախագահը մասնավոր կարգով քննարկել է մայրցամաքում ամերիկյան զորքերի քանակը մոտավորապես մեկ երրորդով կրճատելու հնարավորությունը, այն բանից հետո, երբ դժգոհություն էր հայտնել, որ ՆԱՏՕ-ի դաշնակիցները հրաժարվել են մասնակցել Իրանի դեմ ԱՄՆ ռազմական գործողություններին։