05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
ԱԱ-2026. Բելգիան վստահ հաղթանակով դուրս թողեց ամերիկացիներին. ՏԵՍԱՆՅՈՒԹ
07.07.2026 | 05:59
ԱՄՆ-ում, Կանադայում և Մեքսիկայում շարունակվող ֆուտբոլի աշխարհի առաջնությունում հայտնի դարձավ քառորդ եզրափակիչի երրորդ զույգը, որը կազմեցին Բելգիայի ու Իսպանիայի հավաքականները։
1/8 եզրափակիչում բելգիացիները 4:1 հաշվով հաղթեցին ԱՄՆ-ի հավաքականին (տեսանյութ): Հաղթող թիմի կազմում առաջին խաղակեսում դուբլի հեղինակ դարձավ իտալական «Ատալանտայի» հարձակվող Շարլ Դե Կետելարեն։
Ավելացված ժամանակում ԱՄՆ-ի հավաքականի կազմում փոխարինման մտավ հայկական արմատներ ունեցող 25-ամյա պաշտպան Մաքսիմիլիան Արֆստենը, որը նորամուտը նշեց ԱԱ-2026-ում։
Այսպիսով, ԱԱ-2026-ը հյուրընկալող բոլոր երկրների հավաքականները դուրս մնացին պայքարից։ Ավելի վաղ փլեյ-օֆֆում պարտվել էին նաև Մեքսիկայի ու Կանադայի հավաքականները։
Ավելի վաղ Իսպանիայի հավաքականը պայքարից դուրս էր թողել պորտուգալացիներին։ Բելգիա – Իսպանիա հանդիպումը կկայանա հուլիսի 10-ին Լոս Անջելեսում։ ԱԱ-2026-ում հայտնի է քառորդ եզրափակիչի ևս երկու զույգ՝ Ֆրանսիա – Մարոկկո, Նորվեգիա – Անգլիա։
ԱԱ-2026, 1/8 եզրափակիչ
ԱՄՆ – Բելգիա՝ 1։4
Մալիկ Տիլման, 31 – Շարլ Դե Կետելարե, 9, 33, Հանս Վանակեն, 57, Ռոմելու Լուկակու, 90+4
