05.07.2026 | 12:05
Միշուստինը Եկատերինբուրգում բանակցություններ կվարի Փաշինյանի հետ
ՀԱՊԿ գլխավոր քարտուղարի հարցը շատ փոքր, անէական հարց է. Նիկոլ Փաշինյան․ ՏԵՍԱՆՅՈՒԹ
Քաղաքականություն
29.11.2018 | 19:41
Մենք ոչ թե վատթարացրել ենք որևէ մեկի հետ մեր հարաբերությունները, այլ արձանագրել ենք այն վատ վիճակը, որում գտնվում է Հայաստանի Հանրապետությունը: Նոյեմբերի 29-ին Սևանում ընտրողների հետ հանդիպման ժամանակ այս մասին հայտարարեց ՀՀ վարչապետի թեկնածու Նիկոլ Փաշինյանը՝ անդրադառնալով ՀԱՊԿ գլխավոր քարտուղարի հարցի շուրջ ստեղծված իրավիճակին:
«Մենք արձանագրել ենք այն վատ և հեղինակազուրկ վիճակը, որ ժառանգել ենք այդ և ոչ միայն այդ կազմակերպությունում: Եվ մենք, ի տարբերութուն նախորդ իշխանությունների, մտադիր չենք լռության մատնել մեր անվտանգության կենսական խնդիրները: Մենք մտադիր չենք համակերպվել այն իրողություննեի հետ, որ տեղի են ունենում մեր շուրջ»,- նշեց Փաշինյանը:
Նրա խոսքով՝ շատ կարևոր են համարում, որպեսզի Հայաստանը հստակեցնի ՀԱՊԿ-ում, ինչպես նաև դաշնակիցների առաջ իր պարտավորությունները, հստակեցնի դաշնակիցների պարտավորությունները մեր երկրի առաջ. «Մենք այս հարցերը բարձրացնում ենք՝ մեր գործընկերների հետ մեր հարաբերություննները լավացնելու և զարգացնելու համար: Ես ասել եմ և էլի եմ ասում. ՀԱՊԿ գլխավոր քարտուղարի հարցը շատ փոքր և նույնիսկ ոչ էական հարց է: Շատ ավելի էական են այն հարցերը, որոնք քննարկվում են այս համատեքստում: Եվ մենք հետևողականորեն պաշտպանելու ենք ՀՀ-ի և հայ ժողովրդի ազգային շահերը, Արցախի անվտանգության շահերը»:
Մանրամասները՝ տեսանյութում
