16.11.2024 | 14:36
ԿԲ նախագահը Silicon Mountains գագաթաժողովում խոսել է ֆինանսական ոլորտում արհեստական բանականության կիրառումից
Փաշինյանին ձայն տվողներն այնպիսի հիասթափություն կապրեն, որ մեծ արտագաղթ կարող է լինել․ Կարինե Աճեմյան․ ՏԵՍԱՆՅՈՒԹ
Քաղաքականություն
29.11.2018 | 20:05
Factor.am-ի զրուցակիցն է Հանրապետական կուսակցության անդամ, պատգամավորի թեկնածու Կարինե Աճեմյանը։
-Սոցիալական ցանցերում զարմացած են՝ ինչպե՞ս է Հանրապետականը հավակնում մտնել խորհրդարան՝ առանց ժողովրդից ներողություն խնդրելու։
-Նախ ասեմ, որ սոցիալական ցանցերում ժողովրդի մի հատվածն է, գիտեք, որ սոցիալական ցանցերում բազմաթիվ ֆեյքեր կան։ Ընդհանրապես ժողովրդի հետ շփվելուց դուք հակառակ կարծիքը կարող եք ունենալ։ Օրերս ինձ դիմել են, որ դառնան մեր կուսակցության անդամ։ Մարդիկ ուզում են աջակցել, քարոզարշավի մեկնարկին բազմաթիվ մարդիկ կային մեր համակիրներից ոչ կուսակցական, ովքեր ուզում եմ մենք լինենք խորհրդարանում։ Նրանք հստակ գիտակցում են՝ մենք անպայման պետք է լինենք, որպեսզի կարողանանք հակազդել այս իշխանություններին։Մենք մտահոգ ենք, բայց մտահոգ է նաև ժողովրդի շատ մեծ հատված։ Մենք մտահոգ ենք, բայց մտահոգ է նաև ժողովրդի շատ մեծ հատված։
-Այսինքն՝ ներողություն խնդրելու ոչինչ չունե՞ք։
-Սերժ Սարգսյանը հեռացել է, մենք իշխանությունը հանձնել ենք, մենք վճարել ենք դրա դիմաց։ Մենք անվերջ պիտի ներողություն խնդրե՞նք։ Ես դա չեմ հասկանում, որովհետև այդ տասը տարիների ընթացքում մենք չափազանց լավ գործեր ենք իրականացրել, երևի թե լավ չենք ներկայացրել։ Այն, որ ունեցել ենք հավասարակշռված արտաքին քաղաքականություն, այն, որ ճանապարհներ չունենալով զարգացել ենք, փաստ է։
Հիմա թռիչքային վարէջքներ ենք կատարում։ Այն, որ այս փոքրիկ երկիրը կարողացել է գոյատևել և զարգանալ, եղել է մեր իշխանության շնորհիվ։ Տեղին չեմ համարում անընդհատ ներողությումներից խոսել։
-Վարչապետ Նիկոլ Փաշինյանը երկու օր առաջ հայտարարեց, որ Հանրապետականները վախեցնում են գյուղացիներին։ Ինքը խոստացավ, որ այդ ՀՀԿ-ականներին պատերով կտա, կփռի ասֆալտներին։ Ձեզ նման հեռանկարը վախեցնո՞ւմ է։
Նախ՝ կարծում եմ նորմալ, գիտակից մարդկանց պետք է վախեցնի իրենց առաջնորդի, որը վաղը մյուս օրը վարչապետ պետք է դառնա, այսպիսի բառապաշարը։ Նորմալ մտածող մարդիկ պետք է հասկանան, որ այսպիսի բառապաշարով ներկայանալը չափազանց վտանգավոր է։ Դա բացասական էներգիա է հաղորդում, որևէ Հանրապետականի այսօր չի կարելի վախեցնել։ Հանրապետականներն էլ գիտեք՝ ոչ քարոզարշավից առաջ, ոչ էլ քարոզարշավի ընթացքում օրենք չեն խախտում։ Մենք որևէ դեպքում այդպիսի խնդրի առաջ չենք կարող կանգնել։ Ես պարզապեա գիտակից մարդկանց կոչ եմ անում ընտրությունից առաջ մտածել՝ ում ընտրել, սա շատ կարևոր է։
-Այսինքն՝ Փաշինյանի բառապաշարում անընդունելի բաներ կա՞ն։
Անընդունելի շատ բան կա։ Ինքս համարում եմ, որ երբևէ որևէ ղեկավար այդպիսի բառապաշարով չպետք է ներկայանա։ Դա անընդունելի է։ Միշտ մտածել եմ՝ մեր հավասարակշռված քաղաքականությունն է, կարողացել ենք խուսափել վտանգներից, այսօր Արցախն է վտանգված, այսօր ՀՀ-ն է վտանգված։
Հարցազրույցի մանրամասները՝ տեսանյութում։
Մհեր Արշակյան
