08.03.2026 | 12:32
Թեհրանի վրա «նավթային անձրև» է տեղում․ Իսրայելը հարվածներ է հասցրել Իրանի նավթային պահեստներին․ CNN
Էլ սխալվելու ժամանակ չունենք․ Արսեն Համբարձումյան․ ՏԵՍԱՆՅՈՒԹ
Քաղաքականություն
29.11.2018 | 18:56
Առաջիկա ընտրություններն անցյալը մերժելու մասին չեն, դրանք ապագա կերտելու մասին են. այս առումով սխալվելու ժամանակ չունենք, սխալվելու իրավունք չունենք: Նոյեմբերի 29-ին Արտաշատում ընտրողների հետ հանդիպմանն այս մասին ասաց ՀՅԴ Հայաստանի Գերագույն մարմնի ներկայացուցիչ, պատգամավորի թեկնածու Արսեն Համբարձումյանը:
«Կարծում եմ՝ բոլորս վաղուց արդեն համոզվել ենք, որ վերադարձ անցյալին չկա, անցյալի էջը փակված է մեկընդմիշտ: Բայց անցյալի մերժումն ամենևին չի նշանակում երաշխավորված ապագա: Դրա համար պետք է հասկանանք, թե ինչ ծրագրերով, ինչ մոտեցումներով և ինչ կադրերով ենք կառուցելու այդ ապագան»,- նշեց Համբարձումյանը:
Նրա խոսքով՝ այս ընթացքում ունեցած հանդիպումներից տպավորություն են ստացել, որ մարդիկ գտնվում են հույսի և անորոշության խաչմերուկում. «Հույսի, որովհետև ապրիլյան համաժողովրդական շարժումից հետո մեր ժողովրդի մոտ հույս է արթնացել, որ կարող ենք երկրում դրական փոփոխություններն անշրջելի դարձնել և երաշխավորել բարեկեցիկ կենցաղ, որ մեր երկրում տարիներ շարունակ կուտակված և դժգոհությունների պատճառ հանդիսացող հիմնախնդիրները ի վերջո լուծում կստանան: Բայց, միաժամանակ, անորոշության, որովհետև մարդկանց համար դեռ պարզ չէ, թե ինչպես և ինչ ճանապարհով պետք է կառուցենք մեր երազած նոր Հայաստանը Հենց այս երկակի, դժվար կացության մեջ է, որ տեղի են ունենալու առաջիկա ԱԺ ընտրությունները»:
Ըստ Արսեն Համբարձումյանի՝ քաղաքական ուժերի խոստումների պակաս չկա, բայց պետք է համեմատել, տեսնել՝ ով ով է, ով ինչ է ասում:
Մանրամասները՝ տեսանյութում
