15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
ԱԱ-2026. Բրազիլացիները լքեցին պայքարը, Հոլանդը` հաղթական դուբլի հեղինակ. ՏԵՍԱՆՅՈՒԹ
06.07.2026 | 04:08
Բրազիլի հավաքականը դուրս մնաց ԱՄՆ-ում, Կանադայում և Մեքսիկայում անցկացվող ֆուտբոլի աշխարհի առաջնությունից։
1/8 եզրափակիչում բրազիլացիները 1:2 հաշվով պարտվեցին Նորվեգիայի հավաքականին, որի կազմում դուբլի հեղինակ դարձավ անգլիական «Մանչեսթեր Սիթիի» հարձակվող Էրլինգ Հոլանդը (տեսանյութ)։
Բրազիլի հավաքականը խաղի սկզբնամասում ուներ հաշիվը բացելու լավ հնարավորություն, սակայն անգլիական «Նյուքասլի» կիսապաշտպան Բրունո Գիմարայնսը 14-րդ րոպեին չկարաղացավ անվրեպ իրացնել 11-մետրանոց հարվածը։
Էրլինգ Հոլանդը նորվեգացիներին հաշվի մեջ առաջ մղեց խաղի 79-րդ րոպեին, իսկ 11 րոպե անց նաև կկնապատկեց հաշիվը։ Երկու դեպքում էլ գոլային փոխանցում կատարեց պորտուգալական «Բենֆիկայի» հարձակվող Անդրեաս Շելդերուպը։
Բազիլացիների կազմում հաշիվն ավելացված ժամանակում կրճատեց փոխարինման դուրս եկած Նեյմարը։
25-ամյա Հոլանդն ԱԱ-2026-ում գոլերի թիվը հասցրեց 7-ի և հավասարվեց ռմբարկուների ցուցակը գլխավորող արգենտինացի Լիոնել Մեսիին ու ֆրանսիացի Կիլիան Մբապեին։
Քառորդ եզրափակիչում Նորվեգիայի հավաքականի մրցակիցը կլինի Անգլիա – Մեքսիկա զույգի հաղթողը։
ԱԱ-2026, 1/8 եզրափակիչ
Բրազիլ – Նորվեգիա` 1:2
Նեյմար, 90+10 (11մ) – Էրլինգ Հոլանդը, 79, 90
Չիրացված 11-մետրանոց` Բրունո Գիմարայնս, 14 (Բրազիլ)
