ԹԵԺ ԲԱՆԱՎԵՃ․ ՍԴ-ն պե՞տք է անվավեր ճանաչի ընտրությունների արդյունքները․ ՏԵՍԱՆՅՈՒԹ

Կչեղարկվե՞ն արդյոք հունիսի 7-ին կայացած ԱԺ-ի ընտրությունների արդյունքները և նոր ընտրություններ կանցկացվեն ամբողջ Հայաստանի տարածքում։ Թե՞ ՍԴ-ն կմերժի ընտրությունների արդյունքները վիճարկող յոթ ուժերի հայցերը, և ԿԸՀ-ի որոշումը կմնա ուժի մեջ։ Եթե երկրորդ տարբերակը լինի, ԲՀԿ-ն չի անցնի Ազգային ժողով և խորհրդարանում ՔՊ-ն կստանա 3/5 մեծամասնություն։ Արդյունքում՝ 9-րդ գումարման խորհրդարանը կունենա այս պատկերը․ «Քաղաքացիական պայմանագիր» կուսակցություն՝ 64 մանդատ, «Ուժեղ Հայաստան» դաշինք՝ 29 մանդատ, և «Հայաստան» դաշինք՝ 12 մանդատ։

Ընտրությունների արդյունքների չեղարկում պահանջող ուժերը ՔՊ-ին վերագրեցին պետական համակարգի ծառայեցում իշխանության քարոզչությանը, քաղաքական հակառակորդների և ընտրողների վրա ճնշումներ, անհավասար պայմաններ և այլն։ Իրենց հերթին՝ ամենաշատ ձայներ հավաքած ընդդիմադիր ուժերը՝ «Ուժեղ Հայաստանը», «Հայաստան» դաշինքը, ԲՀԿ-ն իրավապահների կողմից մեղադրվում են զանգվածային ընտրակաշառք բաժանելու մեջ։ Կա՞ն հիմքեր՝ ընտրությունների արդյունքները չեղարկելու, թե՞ հուլիսի 4-ին ՍԴ-ն ուժի մեջ կթողնի քվեարկության վերջնական արդյունքները։ 

Factor TV-ում հրավիրել ենք քննարկում, որին մասնակցում են Սուրեն Սուրենյանցը՝ «Դեմոկրատական այլընտրանք» կուսակցության նախագահ, ԲՀԿ պատգամավորի թեկնածու, Առնոլդ Բլեյանը՝ «Հանուն Հանրապետության» կուսակցության պատգամավորի թեկնածու, Լիպարիտ Դրմեյանը՝ «Միասնության թևեր» կուսակցության պատգամավորի թեկնածու, Գոհար Մելոյանը՝ «Ուժեղ Հայաստան» կուսակցության պատգամավորի թեկնածու, Անահիտ Ադամյանը՝ «Հանրապետություն» կուսակցության պատգամավորի թեկնածու։

Հաղորդումն ամբողջությամբ՝ տեսանյութում։

Ռոբերտ Անանյան