02.07.2026 | 21:15
Ընտրակաշառքից մինչև պետական դավաճանության մեղադրանքներ․ քաղհալածյա՞լ են ընդդիմության դեմքերը․ ՏԵՍԱՆՅՈՒԹ
Զելենսկին հայտարարել է, որ Ռուսաստանը պատասխան կստանա Կիևի վրա զանգվածային հարվածի համար
Քաղաքականություն
02.07.2026 | 20:10
Ռուսաստանը պատասխան կստանա գիշերը Կիևին հասցրած զանգվածային հարվածին։ Այս մասին Կիևի Դարնիցկի շրջանում բնակելի շենքի վրա ռուսական հարվածի վայրում լրագրողներին ասել է Ուկրաինայի նախագահ Վլադիմիր Զելենսկին։
Նա նաև ընդգծել է, որ Ուկրաինան ձգտում է արդար խաղաղության և պատերազմի դադարեցման՝ արդար պայմաններով։
«Եվ քանի դեռ այն [խաղաղությունը] չկա, մենք կողմ ենք արդար պատասխաններին»,- ասել է նա։
Նա հավելել է, որ պատրաստ է հանդիպել ՌԴ նախագահ Վլադիմիր Պուտինի հետ․ «Մենք բաց ենք, մենք պատրաստ ենք հանդիպելու։ Նա ֆիզիկապես վախենում է հանդիպելուց»։
Գիշերը Ռուսաստանը զանգվածային հարված է հասցրել Ուկրաինային՝ օգտագործելով 74 հրթիռ և մոտ 500 անօդաչու թռչող սարք, այդ թվում՝ չորս «Ցիրկոն» հրթիռ, 24 «Իսկանդեր» բալիստիկ հրթիռ և ռեակտիվ անօդաչու թռչող սարքեր։ Ռազմաօդային ուժերին հաջողվել է խոցել չորս բալիստիկ հրթիռ, 34 X-101 թևավոր հրթիռներից 32-ը, ութ «Կալիբր» հրթիռներ, X-59/69 կառավարվող օդ-օդ դասի չորս հրթիռ և տարբեր տեսակի 476 անօդաչու թռչող սարք։
Կիևի վրա ռուսական հարձակման հետևանքով զոհվել է առնվազն 21 մարդ, այդ թվում՝ երեխաներ, վիրավորվել է 85 մարդ։ 70 մարդ հոսպիտալացվել է։
Թարգմանությունը՝ Էմմա Չոբանյանի
