02.07.2026 | 14:22
ԵՄ մակարդակով պատրաստվում են երեխաների համար սոցցանցեր մուտքի արգելք սահմանել
Դուք շուտով կստանաք լրացուցիչ 18 մլն եվրո՝ օգնելու բազմազանեցնել առևտուրը․ Ուրսուլա ֆոն դեր Լայեն․ ՏԵՍԱՆՅՈՒԹ
Քաղաքականություն
02.07.2026 | 12:25
Երևանում կայացած հանդիպման ժամանակ Եվրոպական հանձնաժողովի նախագահ Ուրսուլա ֆոն դեր Լայենը հայտարարել է Հայաստանին տրամադրվող նոր տնտեսական աջակցության մասին:
Անդրադառնալով Ռուսաստանի հետ առևտրական կապերի մասին ճնշումներին՝ նա ընդգծել է, որ Եվրամիությունը պատրաստ է սատարել իր գործընկերոջը:
«Դուք շուտով կստանաք լրացուցիչ 18 միլիոն եվրո օգնելու ամրացնել և բազմազանեցնել ձեր առևտուրը։ Այս 18 միլիոն եվրոն վերջնական մասն է այն 52 միլիոն եվրոյի օժանդակության փաթեթի, որը մենք քննարկեցինք մեր հեռախոսազրույցի ընթացքում՝ հունիսի սկզբին։ Երկրորդը՝ մենք ևս մի քայլ ենք անում. առաջարկ ենք ներկայացնում, այսպես կոչված, Ինքնավար առևտրային միջոցների վերաբերյալ։ Սա նշանակում է, որ այդ միջոցները կազատականացնեն Հայաստանի արտահանումների մոտավորապես 80 տոկոսը դեպի Եվրոպական միություն։ Այսինքն՝ մեզ հետ առևտրի շուրջ 80 տոկոսն այլևս մաքսատուրքերի ենթակա չի լինի»,- նշել է ֆոն դեր Լայենը:
Եվրոպական հանձնաժողովի նախագահը նաև հայտնել է, որ հուլիսի կեսին Հայաստան կժամանեն փորձագետներ, որոնք կաշխատեն տեղի արտահանողների հետ՝ օգնելով նրանց առավելագույնս օգտվել ԵՄ արտոնյալ գործընկերության հնարավորություններից:
Մանրամասները՝ տեսանյութում։
