28.09.2026 | 00:15
ՔՊ, 95.1%. Սուրեն Թումանյանը վերընտրվեց Թումանյանի համայնքապետի պաշտոնում. Լոռու մարզպետ
Թրամփը հայտարարել է, որ Իրանի ապամիջուկայնացման գործընթացը «լավ է ընթանում»
01.07.2026 | 21:39
ԱՄՆ նախագահ Դոնալդ Թրամփը հայտարարել է, որ Վաշինգտոնը շատ լավ շփում ունի Թեհրանի հետ, և որ վերջին հանդիպումները Կատարում լավ են անցել, գրում է Reuters-ը։
«Իրանի ապամիջուկայնացման գործընթացը լավ է ընթանում։ Նրանք շատ լավ հանդիպումներ են ունեցել, տեսնենք»,- լրագրողներին ասել է Թրամփը։
ԱՄՆ-ն ու Իրանը չորեքշաբթի Կատարի մայրաքաղաք Դոհայում տեխնիկական բանակցություններ են վարել՝ Հորմուզի նեղուցով նավագնացության հոսքի վերաբերյալ համաձայնության գալու և երկարատև հրադադար ապահովելու նպատակով, հայտնել են բանակցություններին տեղյակ աղբյուրը և իրանցի պաշտոնյան։
Թրամփի փեսան՝ Ջարեդ Քուշները, և դեսպան Սթիվ Ուիթկոֆը հանդիպել են Կատարի վարչապետի՝ Պակիստանի հետ միասին բանակցություններում միջնորդի հետ՝ բանակցությունների հիմքը նախապատրաստելու համար, սակայն չեն մասնակցելու քննարկումներին, ասել է բանակցություններից անմիջականորեն տեղյակ աղբյուրը։
«Մենք շատ լավ ենք լեզու գտնում։ Կարծում եմ՝ նրանք լավ են»,- ասել է Թրամփը՝ հավելելով, որ Իրանը «երկար ճանապարհ է անցել»։
Թարգմանությունը՝ Էմմա Չոբանյանի
