15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Դոհայում ԱՄՆ-Իրան ուղիղ բանակցություններ չեն անցկացվի
Քաղաքականություն
30.06.2026 | 16:24
ԱՄՆ նախագահ Դոնալդ Թրամփի բանագնացները՝ դեսպան Սթիվ Ուիթկոֆը և փեսան՝ Ջարեդ Քուշները, Դոհայում կլինեն կատարցի միջնորդների հետ հանդիպելու համար, սակայն Վաշինգտոնի և Թեհրանի միջև բարձր մակարդակի հանդիպում տեղի չի ունենա։ Այս մասին երեքշաբթի հաղորդել է Reuters-ը՝ վկայակոչելով Կատարի արտաքին գործերի նախարարության խոսնակ Մաջեդ ալ-Անսարիին, գրում է CNN-ը։
Երկու ամերիկացի պաշտոնյաները ժամանել են Դոհա, հաղորդում է Reuters-ը՝ հղում անելով ալ-Անսարիին։
Կատարցի պաշտոնյան հավելել է, որ իրանական սառեցված 6 միլիարդ դոլարը դեռևս չի փոխանցվել Թեհրանին, և որ Դոհան Օմանի հետ համակարգում է Հորմուզի նեղուցով նավերի անվտանգ անցման հարցերը։ Նա նաև ասել է, որ վերջին օրերին նեղուցի ուղիղ գիծն օգտագործվել է ռազմական գործողությունները զսպելու համար։
Ուիթկոֆն ու Քուշներն այսօր Դոհայում կհանդիպեն Կատարի վարչապետ շեյխ Մոհամմեդ բին Աբդուլռահման բին Ջասիմ ալ-Թանիի և այլ միջնորդների հետ, CNN-ին հայտնել է Սպիտակ տան պաշտոնյան։
Նա հավելել է, որ ԱՄՆ-ի և Իրանի պատվիրակությունները վաղը առանձին կմասնակցեն Կատարի և Պակիստանի միջնորդների հետ տեխնիկական բանակցությունների։
Այս մանրամասները հայտնի են դառնում Վաշինգտոնից և Թեհրանից ստացվող հակասական ազդանշանների ֆոնին՝ արդյո՞ք կողմերն ուղղակի բանակցություններ կանցկացնեն Պարսից ծոցի պետությունում։
Թարգմանությունը՝ Էմմա Չոբանյանի
