30.06.2026 | 15:10
Փաշինյանը Թեհրան կմեկնի՝ ըստ իրանական աղբյուրի // ՍԴ-ն փակ նիստ է անցկացնում․ ԼՈՒՐԵՐ
Ադրբեջանը պատրաստ է համագործակցել Հայաստանի հետ անհետ կորածների խնդրի լուծման գործում․ քաղաքացիների համար տվյալների փոխանակման հնարավորություն կստեղծվի
Քաղաքականություն
30.06.2026 | 12:40
Բաքուն հայտարարել է համակարգ ներդնելու մասին, որի շրջանակում Ադրբեջանի և Հայաստանի քաղաքացիները հնարավորություն կունենան անանունության եղանակով անհետ կորած անձանց, այդ թվում՝ թաղման վայրերի վերաբերյալ տեղեկատվություն տրամադրել։ Այս մասին հայտնել է Ադրբեջանի Պետական անվտանգության ծառայության պետի տեղակալ Շարաֆատ Հասանովը Բաքվում անցկացվող «Անհետ կորած անձանց խնդրի լուծման ժամանակակից մոտեցումները և համագործակցության ամրապնդումը» թեմայով միջազգային կոնֆերանսում, որը տեղի է ունեցել Անհետ կորած անձանց հարցերով միջազգային հանձնաժողովի հետ համագործակցության շրջանակում:
Նա նշել է, որ տրամադրված տեղեկատվությունը կօգտագործվի բացառապես մարդասիրական նպատակներով, այն տրամադրող անձը որևէ հանգամանքներում պատասխանատվություն չի կրի։
Ըստ Հասանովի՝ ծրագրի նպատակն է նպաստել անհետ կորած անձանց ճակատագրի պարզաբանմանը։
Նշելով, թե Ադրբեջանը բաց է հայկական կողմի հետ անհետ կորած անձանց խնդրի լուծման հարցում համագործակցության համար՝ ադրբեջանցի պաշտոնյան Հայաստանին մեղադրել է «30-ամյա օկուպացիայի ընթացքում» գերեզմանների ոչնչացման, թաղման վայրերի մասին տեղեկություններ չտրամադրելու համար։
Թարգմանությունը՝ Էմմա Չոբանյանի
