15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Ըստ ՀԿԿ-ի՝ ընտրակաշառք են տվել Սամվել Կարապետյանի տան մոտ անցկացվող հավաքին մասնակցելու համար
Հասարակություն
30.06.2026 | 10:47
Հակակոռուպցիոն կոմիտեն հայտնում է, որ քրեական վարույթ է նախաձեռնել ընտրակաշառք տալու և ընտրողներին նյութապես շահագրգռելու վերաբերյալ ստացված տվյալների հիման վրա։ Ըստ կոմիտեի՝ «Ուժեղ Հայաստան» կուսակցության անունից հանդես եկող անձինք Արարատի մարզի Մասիս համայնքի Արբաթ բնակավայրում ընտրողներին գումար են տվել՝ կուսակցության օգտին քվեարկելու, համակիրներ հավաքագրելու և կուսակցության ղեկավարի տան մոտ անցկացվող հավաքին մասնակցելու պայմանով։ Գործի շրջանակում ձերբակալվել են մի շարք անձինք։
«ՀՀ հակակոռուպցիոն կոմիտեի ծառայողների կողմից իրականացված միջոցառումների արդյունքում փաստական տվյալներ են ստացվել այն մասին, որ «Ուժեղ Հայաստան» կուսակցության անունից հանդես եկող անձինք Ազգային ժողովի ընտրություններին իրենց կուսակցության օգտին քվեարկելու և համակիրներ հավաքագրելու պայմանով Արարատի մարզի Մասիս համայնքի Արբաթ բնակավայրի մի շարք ընտրողների տվել են ընտրակաշառք և նյութապես շահագրգռել կուսակցության ղեկավարի տան մոտ անցկացվող հավաքին մասնակցելուն։
Դեպքի առթիվ ՀՀ հակակոռուպցիոն կոմիտեում նախաձեռնվել է քրեական վարույթ, ձերբակալվել են մի շարք անձինք, կատարվել են վարութային գործողություններ»,- ասված է հաղորդագրությունում։
