28.09.2026 | 00:15
ՔՊ, 95.1%. Սուրեն Թումանյանը վերընտրվեց Թումանյանի համայնքապետի պաշտոնում. Լոռու մարզպետ
ԱԱ-2026. Մարոկկոն 11-մետրանոցներով հաղթեց Նիդերլանդներին. ՏԵՍԱՆՅՈՒԹ
30.06.2026 | 07:57
ԱՄՆ-ում, Կանադայում և Մեքսիկայում շարունակվող ֆուտբոլի աշխարհի առաջնությունում հայտնի դարձավ 1/8 եզրափակիչի առաջին զույգը:
Մարոկկոյի հավաքականը 1/16 եզրափակիչում հետխաղային 11-մետրանոցներով հաղթեց Նիդերլանդների հավաքականին (տեսանյութ):
Նիդերլանդների հավաքականի կազմում հանդիպման հաշիվը 72-րդ րոպեին բացեց անգլիական «Լիվերպուլի» հարձակվող Կոդի Գակպոն։ Մարոկկացիների պատասխան գոլն ավելացված առաջին րոպեին խփեց անգլիական «Ֆուլհեմի» պաշտպան Իսա Դիոպը։
Լրացուցիչ ժամանակում դարպասի գրավում չարձանագրվեց։ 11-մետրանոց հարվածաշարում Մարոկկոյի հավաքականը հաղթեց 3:2 հաշվով։
Հանդիպումը կայացավ Մոնտերեյում:
Քառորդ եզրափակիչի ուղեգիրը մարոկկացիները կվիճարկեն Կանադայի հավաքականի հետ, որն ավելի վաղ պայքարից դուրս էր թողել Հարավաֆրիկյան Հանրապետության թիմին:
Ավելի վաղ 1/8 եզրափակիչի ուղեգիր էին նվաճել նաև Բրազիլի ու Պարագվայի հավաքականները։
ԱԱ-2026, 1/16 եզրափակիչ
Նիդերլանդներ – Մարոկկո՝ 1:1 (11-մետրանոցներով` 2:3)
Լոսի Գակպո, 72 – Իսա Դիոպ, 90+1
