02.11.2026 | 15:48
Իրանը հայտարարել է, որ պատրաստ է երկու օրվա ընթացքում վերաբացել Հորմուզի նեղուցը, եթե ԱՄՆ-ը համաձայնի իր պայմաններին
20։00-ից հետո քվեարկության սենյակում քանի՞ զինվորական է եղել․ Խունդկարյանը՝ Օրբելյանին․ ՏԵՍԱՆՅՈՒԹ
Հասարակություն
29.06.2026 | 18:18
Սահմանադրական դատարանում ընտրությունների արդյունքների վիճարկման գործի քննության ընթացքում դատավոր Երվանդ Խունդկարյանը հարցեր ուղղեց ԲՀԿ ներկայացուցիչ Արամ Օրբելյանին՝ զինվորների քվերարկության վերաբերյալ։
Դատավորը հետաքրքրվեց՝ 10/51 և 35/65 ընտրատեղամասերի տեսագրություններն ուսումնասիրելիս ինչ պատկեր է հաջողվել վեր հանել, մասնավորապես՝ 2026 թվականի հունիսի 7-ին՝ ժամը 20:00-ի դրությամբ քվեարկության սենյակում քանի՞ զինվորականներ են եղել և վերջնարդյունքում քվեարկությունը ավարտվել է քվեարկության սենյակում գտնվող զինվորների սպասարկումո՞վ, թե՞ քվեարկության սենյակում անընդհատ ավելացել են ընտրող զինվորները:
Ի պատասխան՝ Օրբելյանը հայտնեց, որ անձամբ ուսումնասիրել է Մեղրիի 10/51 ընտրատեղամասի տեսագրությունը։ Նրա խոսքով՝ ընտրասենյակը փոքր տարածք է՝ երկու սեղանով և երկու ընտրախցիկով, և տեսագրությունից երևում է, որ զինվորականները շարունակում էին մուտք գործել։
«Կարելի է պնդել, ենթադրել, որ զինվորականները շարունակել են մտնել, ենթադրում եմ՝ նաև փողոցից, բայց չեմ կարող այդ մասը պնդել»,- ասաց Օրբելյանը։
Մանրամասները՝ տեսանյութում։
