28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Խորվաթիան վերահաստատել է աջակցությունը ԵՄ-ի հետ ՀՀ խորացող գործընկերությանը. տեղի է ունեցել Սաֆարյան-Մատուշիչ հանդիպում
Քաղաքականություն
26.06.2026 | 20:56
Խորվաթիայի Դուբրովնիկ քաղաքում անցկացվող Դուբրովնիկի ֆորումի շրջանակում ՀՀ արտաքին գործերի նախարարի տեղակալ Մնացական Սաֆարյանը հանդիպել է Խորվաթիայի ԱԳ նախարարության պետական քարտուղար Ֆրանո Մատուշիչի հետ։ Կողմերը քննարկել են հայ-խորվաթական համագործակցության խորացումը, Հայաստան-ԵՄ գործընկերությունը, ինչպես նաև տարածաշրջանային խաղաղությանն ու 2026 թվականին Հայաստանում կայանալիք Կենսաբազմազանության մասին կոնվենցիայի կողմերի 17-րդ համաժողովին վերաբերող հարցեր։ Այս մասին տեղեկացնում են ԱԳՆ-ից։
«Երկուստեք բարձր է գնահատվել Հայաստանի և Խորվաթիայի միջև ռազմավարական երկխոսության ձևաչափի հաստատումը մայիսին Երևանում կայացած Եվրոպական քաղաքական համայնքի գագաթնաժողովի շրջանակներում, ինչպես նաև բազմաթիվ ոլորտներում ակտիվացող համագործակցությունը: Խորվաթական կողմը վերահաստատել է աջակցությունը ԵՄ-ի հետ ՀՀ խորացող գործընկերությանն ու ռազմավարական օրակարգի շրջանակներում ծրագրերի իրականացմանը:
Զրուցակիցները պայմանավորվել են երկուստեք ջանքեր գործադրել ակտիվ քաղաքական երկխոսության և բարձրաստիճան փոխադարձ շփումների դինամիկայի պահպանման ուղղությամբ:
ՀՀ ԱԳ նախարարի տեղակալը զրուցակցին ներկայացրել է 2026թ. Հայաստանում կայանալիք Կենսաբազմազանության մասին կոնվենցիայի կողմերի 17-րդ համաժողովի մանրամասները, ինչպես նաև Հարավային Կովկասում խաղաղության ինստիտուցիոնալիզացման ուղղությամբ քայլերը»,- ասվում է հաղորդագրությունում:
