28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
ՌԴ-ն և Ուկրաինան գերիների են փոխանակել 160-ը 160-ի դիմաց
Քաղաքականություն
26.06.2026 | 17:49
Ռուսաստանի պաշտպանության նախարարությունը հայտարարել է Ուկրաինայի հետ ռազմագերիների փոխանակման մասին՝ 160-ը 160-ի դիմաց։ Նախարարության տվյալներով՝ ռուս զինծառայողները ներկայում Բելառուսում են, նրանց հետ աշխատում է Ռուսաստանի մարդու իրավունքների հանձնակատար Յանա Լանտրատովան։
Գերիների փոխանակման գործընթացում միջնորդական ջանքեր է գործադրել Արաբական Միացյալ Էմիրությունները։
Զելենսկին հաստատել է փոխանակումը։ Նա նշել է, որ բոլոր վերադարձվածները գերության մեջ են եղել 2022 թվականից։ Նրանց թվում են Ուկրաինայի զինված ուժերի, Ազգային գվարդիայի և Պետական սահմանապահ ծառայության զինծառայողներ։ Նա նշել է, որ նրանք պաշտպանել են Ուկրաինան Մարիուպոլում, ինչպես նաև Դոնեցկի, Լուգանսկի, Խարկովի, Զապորոժիեի, Կիևի, Չեռնիգովի և Սումիի ուղղություններում։
Գերիների նախորդ փոխանակումը տեղի էր ունեցել 2026 թվականի հունիսի 5-ին՝ «185-ը 185-ի դիմաց» բանաձևով։ Ուկրաինայի նախագահի աշխատակազմի ղեկավար Կիրիլ Բուդանովը հայտնել էր, որ 185 զինծառայողներից բացի՝ հայրենիք է վերադարձել նաև մեկ քաղաքացիական անձ։
Թարգմանությունը՝ Էմմա Չոբանյանի
