21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
«Միասնության թևերը» միջնորդեց կասեցնել ՍԴ-ում ընտրությունների արդյունքների վիճարկման գործի քննությունը․ ՏԵՍԱՆՅՈՒԹ
Հասարակություն
26.06.2026 | 12:34
«Միասնության թևեր» կուսակցության ներկայացուցիչ Լիպարիտ Դրմեյանը միջնորդեց Սահմանադրական դատարանին գործի դատաքննությունը կասեցնել։
«Հունիսի 14-ի արտահերթ նիստում Կենտրոնական ընտրական հանձնաժողովն ընդունել է 2 որոշում։ Դրանցից մեկն այս պահին վիճարկվում է դատարանի առջև, սակայն այն իր պատճառաբանական մասում հենվում է 2-րդ որոշման եզրահանգումների վրա։
«Միասնության թևեր» կուսակցությունը հայցադիմում է ներկայացրել Վարչական դատարան՝ 2-րդ որոշումն անվավեր ճանաչելու պահանջով։ Վարչական դատարանը մերժել է հայցադիմումը վարույթ ընդունել՝ պատճառաբանելով, որ հարցն ընդդատյա է Սահմանադրական դատարանին։ Սակայն Սահմանադրական դատարանը վարույթ է ընդունել մեր դիմումն առաջին որոշման մասով։
Քանի որ 2-րդ որոշումն ամբողջությամբ հիմնված է առաջինի վրա, դրա անվավեր ճանաչումն ուղղակիորեն ազդելու է սույն գործի վրա։ Հիմք ընդունելով «Սահմանադրական դատարանի մասին» օրենքի կարգավորումները՝ խնդրում ենք կասեցնել սույն գործի վարույթը մինչև առաջին որոշման վիճարկման վերաբերյալ վարչական գործի քննության ավարտը»,- նշեց Դրմեյանը։
Մանրամասները՝ տեսանյութում։
