02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
ԲՀԿ ներկայացուցիչը միջնորդեց ընտրությունների արդյունքների վիճարկման գործը քննել ՍԴ ամբողջ կազմով․ ՏԵՍԱՆՅՈՒԹ
Հասարակություն
26.06.2026 | 12:27
«Սահմանադրական դատարանը, համապատասխանաբար, ունի ինը դատավոր։ Ինը անդամի քանակի փոփոխությունը, որը նախատեսված է, ըստ էության, սահմանադրական օրենքով, բայց չի նախատեսված Սահմանադրությամբ, առաջացնում է մի իրավիճակ, որ գործի քննությունը հիմա իրականացվում է ոչ թե Սահմանադրական դատարանի կողմից, այլ Սահմանադրական դատարանի կրճատված կազմի կողմից, ինչն առաջացնում է որոշակի խնդիր՝ որոշումների ընդունման կառուցակարգի հետ կապված»,- այս մասին Սահմանադրական դատարանում հունիսի 7-ի ընտրությունների արդյունքների վիճարկման գործի քննության ընթացքում ասաց «Բարգավաճ Հայաստան» կուսակցության ներկայացուցիչ Արամ Օրբելյանը։
«Հիմա մենք ուզում ենք միջնորդել, որ հակասահմանադրական ճանաչվի ընդհանրապես «անհնարինության ինստիտուտը»՝ որպես այդպիսին։ Հաշվի առնելով Սահմանադրության կարգավորումները, այդ թվում նաև կառուցակարգերը և Սահմանադրությամբ տրված սահմանափակումները, որ որոշումներն ընդունվում են հինգ և վեց ձայնով, և մեծամասնությունը միշտ հաշվարկվում է Սահմանադրական դատարանի դատավորների ընդհանուր թվի կազմից։ Դա հաշվի առնելով՝ ուզում եմ քննարկել, և Բարձր դատարանը եթե հակասահմանադրական է ճանաչում ինստիտուտը գործի շրջանակներում, ապա գործը կշարունակվի ամբողջ կազմով, այլ ոչ թե յոթ հոգով»,- նշեց նա։
Ավելի վաղ դատարանն աշխատակարգային որոշումներով արձանագրել է, որ դատավորներ Վլադիմիր Վարդանյանը և Արտակ Զեյնալյանը կանխակալ վերաբերմունք ունեն որպես կողմ հանդես եկող անձի, նրա ներկայացուցչի, դատավարության այլ մասնակիցների նկատմամբ: Նրանք չեն մասնակցի գործի քննությանը։
Սահմանադրական դատարանի դատավորները կարծիք հայտնեցին, որ «անհնարինության ինստիտուտի» հակասահմանադրական ճանաչելու վերաբերյալ հարցը չի կարող քննվել այս գործի շրջանակներում։
Մանրամասները՝ տեսանյութում։
