15.07.2026 | 12:45
ԵՄ-ն պետք է աջակցի Ռուբեն Վարդանյանի կնոջ՝ Բաքու մեկնելու նախաձեռնությունը․ Ջոել Վելդկամպ
Իսրայելի ՊՆ-ն հայտարարում է՝ իսրայելական զորքերը դուրս չեն գա Լիբանանից նույնիսկ ԱՄՆ պահանջի դեպքում
Քաղաքականություն
24.06.2026 | 18:21
Իսրայելը դուրս չի գա Լիբանանից, եթե նույնիսկ ԱՄՆ-ն է դա պահանջում։ Այս մասին հայտարարել է այդ երկրի պաշտպանության նախարար Իսրայել Կացը, գրում է CNN-ը։
«Մենք հստակեցրել ենք, որ ոչ մի դեպքում դուրս չենք գա, և այս պահին ԱՄՆ-ն Իսրայելից չի պահաջում դուրս գալ Լիբանանից, և սա դիվանագիտական նվաճում է»,- ասել է Իսրայել Կացը։
Ըստ նրա՝ ինքն Իսրայելի դիրքորոշումը հստակեցրել է իր ամերիկացի գործընկերոջը, իսկ Իսրայելի վարչապետ Բենիամին Նեթանյահուն նույնն ասել է ԱՄՆ նախագահ Դոնալդ Թրամփին։
Կացի մեկնաբանությունները հնչում են Թրամփի վարչակազմի հովանու ներքո Իսրայելի և Լիբանանի միջև բանակցությունների երկրորդ օրը։
CNN-ը նախկինում հաղորդել էր, որ Իսրայելը քննարկում է հարավային Լիբանանի օկուպացված տարածքներից զորքերի «խորհրդանշական» դուրսբերումը՝ որպես Լիբանանի կառավարությանն ուղղված «ժեստ»։
Լիբանանն էլ շեշտել է՝ բաց է Իսրայելի հետ քննարկելու իր առաջարկած անվտանգության միջոցառումները, սակայն պնդում է՝ կգնահատի և կքննարկի, թե ինչն է ընդունելի համարում, ինչը՝ ոչ։
«Մենք ակնկալում ենք, որ իսրայելական կողմը կարող է առաջարկել անվտանգության միջոցառումներ, և մենք կքննարկենք, թե ինչն է նրանց համար ընդունելի, ինչը՝ ոչ։ Ես հոռետես չեմ»,- ասել է Լիբանանի վարչապետ Նավաֆ Սալամը։
Նա շեշտել է երկրի պահանջները՝ ազատ արձակել լիբանանցի բանտարկյալներին Իսրայելի բանտերից և լուծել սահմանային հարցերը։
Իսրայելի և Լիբանանի կառավարությունների միջև եղած վեճերը չեն գերազանցում «մի քանի սահմանային հարցեր, որոնք կարող են լուծվել կարճ բանակցությունների միջոցով»։ Այս մասին էլ հայտարարել է Իսրայելի արտաքին գործերի նախարար Գիդեոն Սաարը։
Լիբանանի և Իսրայելի բանակցային թիմերը երեքշաբթի Վաշինգտոնում սկսել են հինգերորդ փուլը քննարկումները։
Թարգմանությունը՝ Էմմա Չոբանյանի
