24.06.2026 | 20:37
Քննարկվել են ՎԶԵԲ-ի հետ իրականացվող ծրագրերն ու նոր նախաձեռնությունների հնարավորությունները
Ֆրանսիայում Էբոլայով վարակման առաջին դեպքն է հաստատվել
Քաղաքականություն
24.06.2026 | 15:19
Ֆրանսիան հայտարարել է երկրի տարածքում էբոլայի վիրուսով վարակման առաջին հաստատված դեպքի մասին։ Հիվանդը բժիշկ է, որը վերադարձել է Կոնգոյի Դեմոկրատական Հանրապետությունից, գրում է France 24-ը։
Առողջապահության նախարարությունը հայտարարել է, որ Կոնգոյում մարդասիրական առաքելությունից վերադարձած բժշկի մոտ Էբոլա տենդի թեստը դրական է եղել, ինչը երկրում ներկայիս բռնկման ընթացքում վիրուսի առաջին դեպքն է։
Առողջապահության նախարարությունն «այսօր հաստատում է ազգային տարածքում Էբոլա վիրուսային հիվանդության առաջին դրական դեպքի հայտնաբերումը»։ Ըստ AFP-ի՝ դեպքը հայտնաբերվել է ցամաքային Ֆրանսիայում։
Հիվանդը մեկուսացված է, իշխանությունները շարունակում են կոնտակտների որոնումը, հայտնել է նախարարությունը՝ հավելելով, որ Եվրոպայի ընդհանուր բնակչության համար ռիսկը ցածր է։
Առողջապահության համաշխարհային կազմակերպությունը հայտարարել է, որ Կոնգոյում Էբոլա տենդի բռնկումը, որը վարակել է ավելի քան 1000 մարդու և սպանել 267-ի, գրանցել է հիվանդության բոլոր դեպքերի ամենամեծ թիվն առաջին ամսվա ընթացքում։
Թարգմանությունը՝ Էմմա Չոբանյանի
