15.12.2024 | 14:24
Սոթքում 2022-ի ռազմական ագրեսիայից հետո բնակիչներին են հանձնվել նորակառույցների բանալիները. ՏԵՍԱՆՅՈՒԹ
Քոչարյանի պաշտպանների միջնորդությունը մերժվեց. ՏԵՍԱՆՅՈՒԹ
Հասարակություն
28.11.2018 | 18:48
Րոպեներ առաջ դատավոր Ռուբեն Մխիթարյանը մերժեց Ռոբերտ Քոչարյանի պաշտպանների կողմից ներկայացված ինքնաբացարկ հայտնելու մասին միջնորդությունը։ Քոչարյանի պաշտպանները պնդում են, որ Քոչարյանի խափանման միջոցի հարցը չի կարող քննել դատարանի ներկա կազմըՙ որը ձևավորվել է վիճակահանությամբ։
Փաստաբան Հայկ Ալումյանը նշում է, որ վիճակահանության վերաբերյալ արձանագրություն չի կազմվել, իսկ քրեական գործի շրջանակում կատարված որևէ գործողություն պետք է փաստաթղթում արձանագրված լինի։
Քոչարյանի խափանման միջոցի հարցով դատական բուն նիստը կմեկնարկի վաղը՝ 11:00-ին Վերաքննիչ քրեական դատարանում։
Քոչարյանի պաշտպանները պատրաստվում են մի քանի միջնորդություններ ներկայացնել վաղվա նիստում։
Ալումյանը միայն մեկի մասին խոսեց։
Նոյեմբերի 29-ին պաշտպանները կմիջնորդեն Վերաքննիչ դատարանին դիմել Սահմանադրական դատարան՝ 2008 թվականի Քրեական օրենսգրքի 300-րդ հոդվածի սահմանադրականությունը որոշելու համար։
Ըստ Ալումյանի՝ այդ հոդվածն ունի իրավական որոշակիության խնդիր։
Նշենք, որ ՀՀ 2-րդ նախագահ Ռոբերտ Քոչարյանին մեղադրանք է առաջադրվել 300.1 հոդվածով, որը 2008թ. դրությամբ հոդված 300-ն էր, այն է՝ սահմանադրական կարգի տապալումը:
