15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Հայ-ֆրանսիական արշավախումբը սկսել է Պեմզաշենի վաղմիջնադարյան համալիրի պեղումները
Մշակույթ
24.06.2026 | 13:33
Հայ-ֆրանսիական հնագիտական արշավախումբը մեկնարկել է Պեմզաշենի վաղմիջնադարյան համալիրի պեղումները։ Հնագիտության ազգագրության ինստիտուտից հայտնում են, որ աշխատանքներն իրականացվում են ANR FACE ծրագրի շրջանակում՝ համալիրի տարբեր ժամանակաշրջաններում կառուցված շինությունների փոխկապակցվածությունը բացահայտելու և դրանց շինարարական հորիզոնները հստակեցնելու նպատակով։
«Օրեր առաջ հայ-ֆրանսիական հնագիտական արշավախումբը՝ (Հնագիտության և ազգագրության ինստիտուտ՝ Արման Նալբանդյան, Լիոն 2 համալսարան՝ Anne Flammin, Anne Baud), մեկնարկել է Պեմզաշենի վաղմիջնադարյան համալիրի պեղումները։
Աշխատանքներն իրականացվում են ANR FACE (From the Achaemenid to Christian Era) ծրագրի շրջանակներում, որի նպատակն է ստուգողական խուզահորերի միջոցով բացահայտել համալիրի տարբեր ժամանակաշրջաններում կառուցված շինությունների փոխկապակցվածությունը և հստակեցնել դրանց շինարարական հորիզոնները։
Պեղումներին մասնակցում են ուսանողներ Հայաստանից և Ֆրանսիայից։ Աշխատանքներն արդեն իսկ տալիս են ուշագրավ արդյունքներ։ Միաժամանակ ուսումնասիրվում և չափագրվում են բազմաթիվ ճարտարապետական դետալներ ու կոթողների առաձին մասեր։ Իրականացվում են նաև կառույցների լազերային և տոպոգրաֆիկ չափագրումներ և ինչպես նաև լուսանկարահանումներ»,- ասված է հաղորդագրությունում։
