03.08.2026 | 12:26
Հենրիխ Մխիթարյան. «Հիմա ես «Ինտերի» ամենատարեց խաղացողն եմ, և դա շատ բան է նշանակում»
Պուտինն առաջին անգամ մեկնաբանել է Մոսկվային ուկրաինական ԱԹՍ-ների զանգվածային հարվածները
Քաղաքականություն
23.06.2026 | 20:13
Ռուսաստանի նախագահ Վլադիմիր Պուտինը Մոսկվայի վրա զանգվածային հարձակումից և հունիսի 18-ին Կապոտնյա նավթավերամշակման գործարանում հրդեհից հետո առաջին անգամ մեկնաբանել է ուկրաինական անօդաչու թռչող սարքերի հարվածները։ Նա հարվածների մասին խոսել է Կրեմլում բարձրագույն ռազմական ուսումնական հաստատությունների շրջանավարտների հետ հանդիպման ժամանակ, գրում է BBC-ի ռուսական ծառայությունը:
Պուտինը կրկին հայտարարել է, որ ռուսական զորքերն առաջ են շարժվում ամբողջ առաջնագծի երկայնքով։ Նա Ռուսաստանի վրա անօդաչու թռչող սարքերի հարձակումները որակել է որպես ռուսական զորքերի առաջխաղացումից ուշադրությունը շեղելու և ռուսական հասարակության մեջ կասկածներ սերմանելու փորձ։
«Այս անօդաչու թռչող սարքերը, քաղաքացիական ենթակառուցվածքների վրա այս հարվածներն ի՞նչ են։ Հասարակության անկայունացում։ Իհարկե, այդպիսի զանգվածային ազդեցությամբ, երբ ամբողջ Արևմուտքն աշխատում է նրանց համար, հսկայական հոսքում այս անօդաչու թռչող սարքերը գալիս են։ Որոշակի անվստահության ստեղծման համար են Ռուսաստանի զինված ուժերի գործողությունների հանդեպ։ Եվ այն, ինչ տեղի է ունենում ռազմաճակատում, նրանք, կարծես, անտեսում են դա։ Բայց այնտեղ տղաներն ամեն օր հարվածում են նրանց։ Ամեն օր։ Մենք կհասնենք այնտեղ, որտեղ պետք է»,- ասել է Պուտինը։
Ռուսաստանի դեմ Ուկրաինայի պատերազմը շարունակվում է հինգերորդ տարին։ Ռուսաստանի Պաշտպանության նախարարությունը հաղորդում է Ուկրաինայի մասամբ օկուպացված շրջաններում ամեն օր առնվազն մեկ բնակավայրի գրավման մասին։
Ուկրաինան պնդում է, որ այս տարի նախաձեռնությունը ստանձնել է ինչպես առաջնագծում, այնպես էլ օդում՝ հեռահար հարվածներ հասցնելով նավթավերամշակման գործարաններին և Ռուսաստանի խորքում գտնվող այլ թիրախներին։ Այս հարձակումներից հետո Ռուսաստանում վառելիքի դեֆիցիտ է առաջանում։
Թարգմանությունը՝ Էմմա Չոբանյանի
