28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Փաշինյանի Մոսկվա այցի վերաբերյալ որևէ հստակություն դեռևս չկա․ Ուշակով
Քաղաքականություն
23.06.2026 | 11:56
ՀՀ վարչապետ Նիկոլ Փաշինյանի Մոսկվա այցի վերաբերյալ որևէ հստակ տեղեկություն դեռևս չկա։ Այս մասին հայտարարել է ՌԴ նախագահի օգնական Յուրի Ուշակովը, գրում է ՌԻԱ Նովոստին։
«Դեռ ոչ»,- ասել է Ուշակովը՝ պատասխանելով լրագրողների հարցին՝ արդյո՞ք որևէ հստակություն կա, թե երբ է Փաշինյանն այցելելու Մոսկվա։
Նա, միաժամանակ, հայտարարել է, թե Մոսկվան Հայաստանի հետ կապված իրավիճակը դիտարկում է որպես «Ռուսաստանի մասնակցությամբ ինտեգրացիոն միավորումներին հարված հասցնելու փորձ»։
«Մենք տեսնում ենք կանոնների վրա հիմնված կարգի կողմնակիցների կողմից ինտեգրացիոն միավորումներին հարված հասցնելու համառ փորձեր, որոնցում մեր երկիրն անմիջականորեն մասնակցում է։ Միևնույն ժամանակ, նրանք առաջ են մղում այն պատրանքային պատկերացումները, որ դարեր շարունակ կողք կողքի ապրած և միշտ միմյանց օգնելու եկած ժողովուրդների պատմությունն ու աշխարհագրությունը կարող են վերանայվել»,- հայտարարել է Ուշակովը «Պրիմակովյան ընթերցումներ» ֆորումի ժամանակ։
Ավելի վաղ Նիկոլ Փաշինյանը հայտարարել էր, որ Հայաստանում խորհրդարանական ընտրություններից հետո նախատեսում է այցելել Ռուսաստան՝ հանդիպելու ՌԴ նախագահ Վլադիմիր Պուտինի հետ։
Թարգմանությունը՝ Էմմա Չոբանյանի
