21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
Մեսին հաղթանակ պարգևեց Արգենտինային ու դարձավ աշխարհի առաջնությունների պատմության լավագույն ռմբարկուն. ՏԵՍԱՆՅՈՒԹ
22.06.2026 | 23:26
ԱՄՆ-ում, Կանադայում և Մեքսիկայում ընթացող ֆուտբոլի աշխարհի առաջնության երկրորդ տուրում Արգենտինայի հավաքականը J խմբում 2:0 հաշվով հաղթեց Ավստրիայի հավաքականին ու ապահովեց փլեյ-օֆֆի ուղեգիր (տեսանյութ):
Աշխարհի գործող չեմպիոնի կազմում դուբլի հեղինակ դարձավ ամերիկյան «Ինտեր Մայամիի» հարձակվող Լիոնել Մեսին, որն աչքի ընկավ 38-րդ րոպեին ու ավելացված ժամանակում։
38-ամյա Մեսին 18 գոլով գոլով դարձավ աշխարհի առաջնություններում ամենաշատ գոլ խփած ֆուտբոլիստը պատմության մեջ։ Նախորդ ռեկորդակիրը գերմանացի Միրոսլավ Կլոզեն է, որը 16 գոլ ունի Մունդիալներում։
Հանդիպման 9-րդ րոպեին Մեսին նաև վրիպեց 11-մետրանոցից։ ԱԱ-2026-ում «Ոսկե գնդակի» 8-ակի դափնեկիրն արդեն ունի 5 գոլ և միանձնյա գլխավորում էր ռմբարկուների ցուցակը։
Արգենտինայի հավաքականը վաստակեց 6 միավոր, իսկ ավստրիացիներն ունեն 3 միավոր։ J խմբի մյուս խաղում կմրցեն Ալժիրի ու Հորդանանի հավաքականները, որոնք միավոր չունեն։
ԱԱ-2026, երկրորդ տուր
J խումբ
Արգենտինա – Ավստրիա՝ 2:0
Լիոնել Մեսի, 38, 90+5
