11.08.2026 | 14:29
Արթուր Ղարիբյանն արժանացել է բարձր գնահատականի ու ընդգրկվել տուրի խորհրդանշական հավաքականում. ԼՈՒՍԱՆԿԱՐ
Քաղաքական ուժերը պետք է համախոհություն ունենան անցումային արդարադատության հարցում. Կարեն Զադոյան․ ՏԵՍԱՆՅՈՒԹ
Հասարակություն
28.11.2018 | 15:55
Նիկոլ Փաշինյանն օգոստոսի 17-ի հանրահավաքի ժամանակ հայտարարեց, որ Հայաստանում պետք է անցումային արդարադատություն իրականացվի, և դրանից հետո սկսվեց խառնաշփոթը:
Այսօր՝ նոյեմբերի 28-ին «Անցումային արդարադատության մեխանիզմների ներդրման հնարավորությունը ՀՀ-ում՝ միջազգային փորձի լույսի ներքո» թեմայով քննարկման շրջանակում լրագրողների հետ զրույցում այս մասին ասաց Իրավաբանների հայկական ասոցիացիայի նախագահ Կարեն Զադոյանը: «Տարբեր քննարկումներ եղան՝ սկսած նրանից, որ անցումային արդարադատությունն արտակարգ դատարաններ են, մյուս կողմը, որ շատ կարևոր ինստիտուտ է»,- նշեց իրավաբանը:
Նրա խոսքով՝ հիմա հարկավոր է հարցը քննարկել փորձագիտական մակարդակով և պատասխանները ներկայացնել հանրությանը. «Որովհետև անցումային արդարադատության միջազգային փորձի վերլուծությունը ցույց է տալիս, որ առաջին հերթին պետք է հանրությանը տեղեկացնել, երկրորդը՝ համախմբել ամբողջ ազգային փորձագիտական ներուժը, վերլուծել այդ ինստիտուտն ու տվյալ երկրում դրա ներդրման հնարավորությունները»:
Կարեն Զադոյանը նաև նշեց, որ քաղաքական ուժերը պետք է համախոհություն ունենան անցումային արդարադատության հարցում:
Մանրամասները՝ տեսանյութում
