12.11.2024 | 23:27
Գրետա Թունբերգը ժամանել է Հայաստան
ՆԱՏՕ-ն ընդունել է զեկույց, ըստ որի Թուրքիան կազմակերպության անդամ պետություններից միակ անազատ երկիրն է
Քաղաքականություն
28.11.2018 | 15:45
ՆԱՏՕ-ն ընդունել է զեկույց, որտեղ Թուրքիային առաջին անգամ քննադատում է ժողովրդավարության և մարդու իրավունքների բնագավառում կատարած խախտումների համար. փոխանցում է ermenihaber-ը:
Նախորդ շաբաթ ՆԱՏՕ-ի խորհրդարանական վեհաժողովի (ԽՎ) անվտանգության քաղաքացիական չափման հանձնաժողովում ընդունված զեկույցում նշվել է, որ Թուրքիան ՆԱՏՕ անդամներից միակ անազատ երկիրն է համարվում:
ՆԱՏՕ-ի զեկույցը կազմելիս հաշվի է առնվել 2018թ. միջազգային «Freedom House» իրավապաշտպան կազմակերպության պատրաստած փաստաթուղթը, որտեղ Թուրքիան ներառվել էր «անազատ երկների» ցանկում:
Զեկույցում 2017թ. ապրիլի 16-ի հանրաքվեով ընդունված կառավարման նոր համակարգը որակվում է որպես «սուպեր նախագահություն» և ընդգծվում է, որ այս իրավիճակը խորացնում է քաղաքական բևեռացումը:
«Սահմանադրական փոփոխությունները նախագծվել էին, որպեսզի ԱՄՆ-ի նախագահական համակարգը ներմուծվեր, սակայն պրակտիկան ցույց է տալիս, որ Թուրքիայի նախագահական համակարգում չկան հավասարակշռությունը վերահսկող համակարգ, ինչպես ԱՄՆ-ում: Թուրքիայում նախագահը օժտված է մեջլիսը (խորհրդարանը) ցրելու իրավունքից և ավելացրել է դատական իշխանության նկատմամբ վերահսկողությունը»,- ասված է զեկույցում:
Զեկույցում հիշատակվում է նաև Amnesty International իրավապաշտպան կազմակերպության Թուրքիայի մասնաճյուղի նախագահ Թաներ Քըլըչի և «Anadolu Kültür» թուրքական կազմակերպության նախագահ Օսման Քավալայի ձերբակալությունը, ինչպես նաև նշվում, որ Թուրքիայում որոշ լրատվամիջոցներ մտերիմ կապերի մեջ են իշխանության են հետ:
