18.09.2026 | 10:52
Երթևեկության կազմակերպման փոփոխություն՝ Երևանյան և Իսահակ Գասպարյան փողոցների (օդանավակայանի) խաչմերուկում
ԲՀԿ-ական թեկնածուն կուսակցության գլխավոր կարգախոսը տառասխալներով է տարածում
Հասարակություն
28.11.2018 | 14:16
«Բարգավաճ Հայաստան» կուսակցության պատգամավորի թեկնածու Արայիկ Աղաբաբյանը տառասխալով գովազդային վահանակ է փակցրել Արմավիրի մարզում: Մասնավորապես, նա ԲՀԿ կարգախոսը գրել է. «Մեր խոսքԹ գործ է»: Այնինչ պետք է լիներ՝ «Մեր խոսքԸ գործ է»:
Նշենք, որ Արայիկ Աղաբաբյանն առաջադրված է թիվ 6 ընտրատարածքում՝ Արմավիրի մազրում: Արայիկ Աղաբաբյանը 2017 թվականի ԱԺ ընտրությունների ժամանակ 10 հազար քվե էր ստացել՝ ռեյտինգային ընտրակարգով, այս նույն ընտրատարածքից:
Factor.am-ը փորձեց թեկնածուից մեկնաբանություն ստանալ՝ արդյո՞ք չի տեսել, որ պաստառի վրա տառասխալ կա, սակայն, նա մեր զանգերին չպատասխանեց:
Նշենք, որ նույն պաստառը Արմավիրի մարզում փակցված է մի քանի տեղերում: «Մեր խոսքը գործ է» կարգախոսը ԲՀԿ-ի գլխավոր կարգախոսն է: Կուսակցությունն այս ընտրություններին ներկայանում է նաև «Հավատա, վստահիր, պահանջիր» կարգախոսով:
Հայկ Վարդանյան
